Amerika dövlət katibi Marko Rubio G20 sammitinə getməkdən imtina etdi

SON XƏBƏRLƏR

Amerika dövlət katibi Marko Rubio G20 sammitinə getməkdən imtina etdi

2025.02.06, 11:19

Amerika dövlət katibi Marko Rubio Güney Afrikanın “çox pis şeylər etdiyini” bəyan edərək, bu ölkədə keçiriləcək G20 sammitinə qatılmaqdan imtina edib. Onun sözlərinə görə, sammitdə müzakirə olunacaq mövzular Amerikanın milli maraqlarına uyğun deyil.

Gunaz.tv

GünazTV Musavat.com-a istinadən xəbər verir ki, Güney Afrikanın Yohannesburq şəhərində baş tutacaq tədbirdə bərabərlik, inklüzivlik və iqlim dəyişikliyi kimi məsələlər gündəmə gətiriləcək. Lakin Rubio bu mövzuların Amerika hökumətinin prioritetlərinə uyğun olmadığını bildirib. O, bu fikrini sosial şəbəkə hesabında paylaşaraq, administrasiyasının fərqli strategiya yürütdüyünü vurğulayıb.

Rubionun bu qərarı beynəlxalq arenada müxtəlif reaksiyalara səbəb olub. Bəzi ekspertlər Amerikanın qlobal problemlərin həllində daha fəal rol oynamalı olduğunu bildirərək onun mövqeyini tənqid ediblər. Digər tərəfdən, bəzi siyasi dairələr Rubionun bu addımını Amerikanın milli maraqlarını qorumaq baxımından məntiqli hesab ediblər.

Qeyd edək ki, Güney Afrika son dövrlərdə bir sıra beynəlxalq məsələlərdə müstəqil mövqe sərgiləyir və Amerikayla münasibətlərində müəyyən gərginliklər yaşanır. Amerika hökumətinin yüksək səviyyəli rəsmisinin bu ölkədə keçirilən vacib bir beynəlxalq sammitə qatılmamaq qərarı ikitərəfli əlaqələrdəki mövcud gərginliyin bir əlaməti kimi qiymətləndirilir.

Ş.E

GUNAZ.TV

SON XƏBƏRLƏR