İranda daha bir etirazçı edam edildi

SON XƏBƏRLƏR

İranda daha bir etirazçı edam edildi

2025.09.06, 09:56

İranda 2022-ci ilin sentyabr ayında başlayan kütləvi etiraz aksiyaları zamanı İsfahan əyalətinin Səmirom şəhərində həbs edilən daha bir etirazçı edam edilib.

Gunaz.tv

Bununla bağlı insan haqları təşkilatları məlumat yayıb.

Məlumata görə, Mehran Bəhramian bu gün səhər saatlarında dar ağacından asılıb.

O, bir uzun müddət həbs və işgəncələrdən sonra yüksək məblədə girov müqabilində azadlığa buraxılsa da, bir müddət əvvəl yenidən həbs edilərək edam cəzasına məhkum edilib.

İsfahan məhkəməsi onunla bir yerdə həbs olunan qardaşı Murad Bəhramiana da 16 il həbs cəzası verib.

Mehran Bəhramian 2022-ci ilin dekabr ayında aksiyalar zamanı naməlum şərayitdə həlak olan Möhsün Rzayi adlı "Bəsic" (könüllülər ordusu) üzvünün ölümündə əli olmaqda günahlandırılıb.

Qeyd edək ki, 2022-ci ilin 16 sentyabrında Tehranda məcburi hicab qaydalarını pozduğuna görə, gənc qızın öldürülməsindən sonra başlayan və aylar davam edən etiraz aksiyaları zamanı 500-dən çox vətəndaş öldürülüb, 22 mindən çox şəxs isə saxlanılıb.

GünazTV

GUNAZ.TV

SON XƏBƏRLƏR