“Raket yağışı” təhdidi | İran Təl-Əviv xəritəsini nümayiş etdirərək İsraili müharibə ilə hədələdi

SON XƏBƏRLƏR

“Raket yağışı” təhdidi | İran Təl-Əviv xəritəsini nümayiş etdirərək İsraili müharibə ilə hədələdi

2026.02.08, 22:30

Gunaz.tv

Nüvə gərginliyinin artdığı və Vaşinqtonun ardıcıl xəbərdarlıqları fonunda İran Tehranda İsrailin mərkəzi bölgələrinin xəritəsini əks etdirən təhdidedici billboard quraşdıraraq Təl-Əvivi “raket yağışı” ilə hədələyib. Eyni zamanda İranın xarici işlər naziri bildirib ki, Tehran müharibə bahasına olsa belə, nüvə proqramından geri çəkilməyəcək.

ABŞ Prezidenti Donald Trampın İranı idarə edənlərin “razılaşma istədikləri” barədə açıqlamalarına baxmayaraq, Tehran rəsmilərinin tonu növbəti danışıqlar ərəfəsində daha da sərtləşib. Bazar günü Tehranın Fələstin meydanında yeni təhdidedici billboard quraşdırılıb. Billboardda İsrailin mərkəzi bölgələrinin xəritəsi “Raket yağışı” başlığı altında nümayiş etdirilib.

Tehranda quraşdırılan bu billboard İranın İsrailə yönəlik təhdidlərinin vizual təsdiqi kimi qiymətləndirilir.

Billboardda İsrailin mərkəzi ərazilərinin xəritəsi əks olunub və Təl-Əviv–Yaffa, Herzliya, Ramat-Qan və Bney-Brak şəhərlərinin adları göstərilib. Billboarddakı ivrit dilində olan mətndə deyilir:
“Raket yağışı qarşısında bu, kiçik bir ərazidir.”

Eyni zamanda ingilis dilindəki mətndə belə xəbərdarlıq yer alıb:
“Siz başlayın, biz bitirərik.”

Tehranın bu addımı və rəsmi şəxslərin sərt mövqeləri danışıqlar fonunda regionda gərginliyin və mümkün hərbi qarşıdurma riskinin hələ də yüksək olduğunu göstərir.

GünAzTV

GUNAZ.TV

SON XƏBƏRLƏR