Contact Us

SON XƏBƏRLƏR

BƏƏ: “Terrorçulara boyun əymərik”

2026.03.23, 07:10
BƏƏ: “Terrorçulara boyun əymərik”

BƏƏ İran terroruna dolayı və sərt cavabı verdi.  Ad çəkilmədi, amma... Bir cümlə, böyük siqnal

Gunaz.tv

Gunaz.tv-nin məlumatına görə, Birləşmiş Ərəb Əmirliklərinin xarici işlər naziri Abdullah bin Zayed Al Nahyan İranı dolayı şəkildə “terrorçu” adlandırıb.

O, bazar günü “X” sosial şəbəkəsində yayılan və İranın hücumlarından sonra ABŞ ilə ərəb ölkələri arasında təhlükəsizlik əlaqələrinin dərinləşməsini dolayı şəkildə tənqid edən paylaşıma cavab olaraq yazıb: “Biz heç vaxt terrorçuların şantajına boyun əymərik.”

Bu arada, Fransanın sabiq səfiri Jerar Aro bu prosesi tənqid edərək bildirib ki, ərəb ölkələri ABŞ-a daha çox güvənməklə özlərini təhlükəli bir qarşıdurmaya sürükləyirlər.

Lakin BƏƏ-nin xarici işlər naziri cavabında İranın adını birbaşa çəkmədən vurğulayıb ki, ölkəsi təzyiq və təhdid qarşısında geri çəkilməyəcək.

O, “terrorçular” ifadəsi ilə dolayı şəkildə İranı bu təhdidlərin mənbəyi kimi göstərib və mesaj verib ki, BƏƏ bu təzyiqlər qarşısında geri addım atmayacaq və ABŞ ilə təhlükəsizlik əməkdaşlığını davam etdirəcək.

İranın regiondakı ərəb ölkələrinə qarşı davamlı hücumlarından sonra BƏƏ və digər körfəz ölkələri ABŞ ilə təhlükəsizlik əməkdaşlığını daha da gücləndirib.


Gunaz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar