Contact Us

SON XƏBƏRLƏR

Bəs biz nə günün qardaşıyıq? _ Midhəd Melen: "Türkiyənin Qarabağ problemindən vaz keçməsi mümkün deyil"

2021.10.20, 07:36
Bəs biz nə günün qardaşıyıq? _ Midhəd Melen: "Türkiyənin Qarabağ problemindən vaz keçməsi mümkün deyil"

Gunaz.tv
"Bəs biz nə günün qardaşıyıq?" 7.130309.jpg Midhəd Melen: "Türkiyənin Qarabağ problemindən vaz keçməsi mümkün deyil" -Vaşinqtondakı toplantıların birində azərbaycanlı bir qardaşımız dedi ki, Türkiyə Ermənistanla sərhədi açsa, Türkiyənin Bakıdakı səfirliyinin şüşələrini qırıb tökərəm. Bu etiraz o qardaşımın haqqıdır... Türkiyə Böyük Millət Məclisi nümayəndə heyətinin tərkibində ABŞ-da görüşlər keçirmiş Milliyyətçi Hərəkat Partiyasının (MHP) İstanbullu millət vəkili, professor Midhəd Melenin APA-nın Türkiyə bürosuna eksklüziv müsahibəsi - Vaşinqtonda keçirdiyiniz görüşlərdən razı qaldınızmı? Orada uydurma "erməni soyqırımı" ilə bağlı hava necədir? - Budəfəki səfərimizdə havanı daha mülayim gördüm. Konqres üzvləri daha təmkinlidirlər. Erməni diasporu da ölçülü hərəkət edir. Əslində erməni diasporu Ermənistanı təzyiq altında saxlamağa çalışır ki, Türkiyə ilə münasibət qurmasın. Barak Obamanın seçki ərəfəsində ermənilərə verdiyi vədə baxmayaraq, Konqresin məsələyə əvvəlki kimi hərarətli yanaşmadığını deyə bilərəm. - Sizcə, bunun səbəbi nədir? - Konqresin 70 üzvü "erməni soyqırımı"nın tanınması barədə qərar layihəsinə imza atıb. Bu qədər imzanın kifayət edəcəyinə inanmıram. ABŞ-ın yeni hökuməti bölgədə Türkiyə ilə yeni əməkdaşlıq mərhələsinə başlayıb. Hər şey paket şəklində həll ediləcək. Buna görə də Türkiyənin Ermənistanla münasibətlər yaratmaq bahasına qardaş Azərbaycandan və Qarabağ problemindən vaz keçməsi mümkün deyil. Bu barədə yayılan əsassız xəbərlər bizi çox üzür. Bölgədə məsələlər paket halında həll ediləcəyindən Qarabağın bu paketdən kənarda qalması mümkünsüzdür. Bir də ki, ABŞ özü iqtisadi böhranla mübarizə aparır. Böhranın bu vaxtında saxta "erməni soyqırımı" məsələsinin önəm kəsb edəcəyinə inanmıram. - Ermənistanla sərhədin açılması təkcə hökumətin təşəbbüsü ilə gerçəkləşə bilərmi? Bu iş son nəticədə parlamentin gündəminə gəlməyəcəkmi? - Mən hökumətin xalqdan və parlamentdən gizli nə isə edəcəyinə inanmıram. Özü də belə bir şeydən qətiyyən söhbət getmir. Vaşinqtondakı toplantıların birində azərbaycanlı bir qardaşımız dedi ki, Türkiyə Ermənistanla sərhədi açsa, Türkiyənin Bakıdakı səfirliyinin şüşələrini qırıb tökərəm. Bu etiraz o qardaşımın haqqıdır. Ancaq hamı əmin olsun ki, belə bir şey gündəlikdə yoxdur və Türkiyənin azərbaycanlı qardaşlarının mənafeyini qurban verməsi tarix boyu mümkün olmadığı kimi, indi də mümkün deyil. Bəs biz nə günün qardaşıyıq? Arxayın olsunlar, belə bir şeydən söhbət getsə, parlament bu işə müdaxilə edər.

SEÇİLMİŞ XƏBƏRLƏR

Çox oxunanlar