Contact Us

SON XƏBƏRLƏR

Edvard Nalbandyan: «Azərbaycanın Xarici İşlər Nazirliyinə dəvət göndərmişik»

2021.10.20, 07:36
Edvard Nalbandyan: «Azərbaycanın Xarici İşlər Nazirliyinə dəvət göndərmişik»

Gunaz.tv
Edvard Nalbandyan: «Azərbaycanın Xarici İşlər Nazirliyinə dəvət göndərmişik» edvard_nalbandyan-06-05.jpg Rəsmi İrəvan, Türkiyənin Dağlıq Qarabağ danışıqlarında vasitəçi kimi iştirakına növbəti dəfə etiraz edib Əgər Türkiyənin xarici işlər naziri Qara dəniz İqtisadi Əməkdaşlıq Təşkilatının (QİƏT) sammitində iştirak etmək üçün İrəvana gəlsə, Ermənistan bundan məmnun olar. ANS PRESS-in məlumatına görə, bunu Ermənistanın xarici işlər naziri Edvard Nalbandyan ölkəsinin ictimai televiziyasına müsahibəsində deyib. O əlavə edib ki, toplantıda iştirakla bağlı dəvət Azərbaycanın Xarici İşlər Nazirliyinə də göndərilib: «Amma Azərbaycan Ermənistana qarşı qonaqpərvərlik nümayiş etdirmir. Bakıda keçirilən TRACECA sammitinə və NATO-nun hərbi təlimlərinə Ermənistan dəvət olunmamışdı». Ermənistan-Türkiyə münasibətlərinə toxunan Edvard Nalbandyan ümidvar olduğunu bildirib ki, ikitərəfli əlaqələr normallaşacaq və qabaqcadan şərt irəli sürülmədən sərhədlər açılacaq. Bununla belə, erməni nqazir Türkiyənin Dağlıq Qarabağ münaqişəsi ilə bağlı danışıqlara vasitəçi kimi cəlb olunması imkanları barədə məlumatları təkzib edib: «Həm Azərbaycanda, həm də Türkiyədə dəfələrlə bəyan ediblər ki, onlar müstəqil ölkələr olsalar da, hər iki ölkənin xalqları eyni millətdir. Belə olan halda ortaya sual çıxır: necə ola bilər ki, eyni millətin bir qolu həmin millətin digər qolunun başqa ölkə ilə münaqişəsində vasitəçi kimi çıxış etsin?». Edvard Nalbandyan hesab edir ki, qondarma erməni soyqırımının ABŞ tərəfindən tanınması Ermənistan-Türkiyə əlaqələrinin normallaşmasına mənfi təsir göstərə bilməz. Çünki hər iki tərəfin siyasi iradəsi ortadadır. /ANS PRESS/

SEÇİLMİŞ XƏBƏRLƏR

Çox oxunanlar