İLHAM ƏLİYEVLƏ ABDULLA GÜL TEHRANDA QARABAĞ və TÜRKİYƏ-ERMƏNİSTAN MÜNASİBƏTLƏRİNİ MÜZAKİRƏ EDƏCƏKLƏR

SON XƏBƏRLƏR

İLHAM ƏLİYEVLƏ ABDULLA GÜL TEHRANDA QARABAĞ və TÜRKİYƏ-ERMƏNİSTAN MÜNASİBƏTLƏRİNİ MÜZAKİRƏ EDƏCƏKLƏR

2021.10.20, 07:36

Gunaz.tv

İLHAM ƏLİYEVLƏ ABDULLA GÜL TEHRANDA QARABAĞ və TÜRKİYƏ-ERMƏNİSTAN MÜNASİBƏTLƏRİNİ MÜZAKİRƏ EDƏCƏKLƏR

Abdulla Gül İranda Bu gün Tehranda Azərbaycan prezidenti İlham Əliyevlə Türkiyə prezidenti Abdulla Gül arasında görüş olacaq. “Media forum” saytı bildirir ki, bu xəbəri Türkiyənin tanınmış köşə yazarlarından olan Çengiz Çandar yayıb. A.Gülü İran səfərində müşayiət edən Ç.Çandar bu gün “Hurriyet”, “Radikal” və “Referans” qəzetlərində gedən yazısında öz məlumat və müşahidələrinə, Türkiyə prezidentinin bir sıra maraqlı açıqlamalarına yer verib. Ç.Çandar yazır ki, A.Gül 2009-cu ili İran-Amerika münasibətləri, Türkiyənin Ermənistanla əlaqələrinin normallaşması, Qarabağ probleminin həlli, Orta Şərq münaqişəsi, Əfqanıstan, Pakistan problemləri kimi məsələlərdə müsbət irəliləyişlər ili kimi dəyərləndirib. Türkiyə prezidenti deyib: “Amerikada fərqli siyasi yanaşma başladığından hər kəsin buna hazırlaşması lazımdır. Əslində Amerikanı gözləməyə ehtiyac yoxdur, hər kəs siyasətini və təkliflərini yeni dövrə uyğunlaşdırmaq məcburiyyətindədir”. Türkiyəli yazar prezidentlə söhbətinə istinadən qeyd edir ki, Türkiyə-Ermənistan münasibətlərinin normallaşdırılması istiqamətində texniki işlər yekunlaşıb, indi məsələnin həlli siyasi iradədən asılıdır. Ç.Çandar yazır: “Bu məsələnin Qarabağ probleminə aid tərəfi də var. Belə məlum olur ki, orada da müəyyən nöqtəyə gəlinib. “Ancaq” deyə xəbərdarlıq edir prezident Gül: “Bu məsələləri özbaşına buraxa bilməzsiniz. Dövrəyə girməniz və hərəkətə keçməniz lazımdır”. Buradan nə anlamaq lazımdır? Abdulla Gülün bugünkü ən önəmli görüşünün Azərbaycan prezidenti İlham Əliyevlə olduğunu və bu görüşün Türkiyə-Ermənistan münasibətlərinin normallaşdırılması, eləcə də Qarabağda Azərbaycanla Ermənistanın uzlaşmasıyla bağlı olduğunu. Bir gün əvvəl gecə Türkiyə XİN-in “Ermənistan dosyesi” üzərində çalışan heyəti Çankaya Köşkünə gedib. Hillari Klintonun səfərindən sonra yayımlanan birgə açıqlamadakı “Türkiyə ilə Ermənistan arasındakı normallaşmaya ABŞ-ın, Qarabağ probleminin həllinə dair Minsk qrupunun fəaliyyətinə hər iki ölkənin təsiri” ifadələri xüsusi mesaj kimi diqqətimizi çəkir. Apreldə Qafqazdan gələcək önəmli xəbərləri gözləyə bilərsiniz…”

GUNAZ.TV

SON XƏBƏRLƏR