Contact Us

SON XƏBƏRLƏR

Gürcüstan-Ermənistan münasibətləri gərginləşdi

2021.10.20, 07:36
Gürcüstan-Ermənistan münasibətləri gərginləşdi

Gunaz.tv
Gürcüstan-Ermənistan münasibətləri gərginləşdi saakasvili0.jpg Saakaşvilinin Ermənistan iqtisadiyyatı barədə bəyanatı erməniləri qəzəbləndirdi Gürcüstan prezidenti Mixail Saakaşvilinin Ermənistan iqtisadiyyatı barədə bəyanatı ermənilərin kəskin narazılığına səbəb olub. Saakaşvilinin sözlərinə Ermənistan rəhbərliyi səviyyəsində cavab gəlib. Xatırladaq ki, Mixail Saakaşvili martın 9-da yeni mehmanxana mərkəzinin açılışında çıxışı zamanı Ermənistan milli valyutası – dramın kəskin qiymətdən düşməsinə münasibət bildirib. Gürcüstan prezidenti bildirib ki, Ermənistan iqtisadiyyatı tam şəkildə Rusiya bazarından asılı olduğundan iflasa uğrayıb. Ermənistan prezidentinin mətbuat katibi Samvel Farmanyan belə bir bəyanatın yersiz olduğunu bəyan edib: “Gürcüstan prezidentinin Ermənistan iqtisadiyyatına belə bir qiymət verməsi əsassızdır. Gürcü xalqının diqqətini ölkədəki çoxsaylı problemlərdən yayındırmaq üçün bunun ən yaxşı variant olduğunu düşünmürəm. Ermənistan prezidenti də daxili vəziyyətlə yanaşı qonşu ölkələrin sosial-iqtisadi vəziyyəti ilə maraqlanır. Amma o, heç bir zaman belə bir bəyanatla çıxış etməyərək, şərh vermək hüququnu analitiklərin, hökumət xadimlərinin və siyasətçilərin öhdəsinə buraxır. Siyasi korrektə də bunu tələb edir”. Ermənistanın hakim Respublika Partiyasından olan deputat Armen Aşotyan da Saakaşvilinin ünvanına kəskin ittihamlarla çıxış edib: “Xeyli daxili problemi olan, iqtisadi böhranla üz-üzə dayanan və ərazisinin bir hissəsini itirən ölkənin rəhbərinin daxili piarı qonşularının gözdən salınması üzərində qurması çox təəccüblüdür. Bu bəyanata heç gürcü cəmiyyəti də inanmayıb”.

SEÇİLMİŞ XƏBƏRLƏR

Çox oxunanlar