KOREYA YARIMADASI MÜHARİBƏ ƏRƏFƏSİNDƏ

SON XƏBƏRLƏR

KOREYA YARIMADASI MÜHARİBƏ ƏRƏFƏSİNDƏ

2021.10.20, 07:36

Gunaz.tv

KOREYA YARIMADASI MÜHARİBƏ ƏRƏFƏSİNDƏ Seçkilərdə 100 faiz səs alan Kim Çen İr ABŞ və Cənubi Koreya qüvvələrinə qarşı yüksək döyüş hazırlığı elan edib

Koreya yarımadasında irimiqyaslı müharibə təhlükəsi yaranıb. Gərginliyə səbəb Şimali Koreyanın kosmik peyk buraxmağa hazırlaşdığı haqda etdiyi xəbərdarlıqdır. ABŞ və Yaponiya şübhələnir ki, Pxenyan əslində qitələrarası ballistik raket sınaqdan keçirməyə hazırlaşır. Məlumatlara görə, artıq start meydançasında yerləşdirilmiş raket ABŞ-ın şərq sahillərini vura biləcək “Tepxodonq-2" raketidir. BMT Təhlükəsizlik Şurasının sanksiyasına görə, Şimali Koreya bu tipli raketlərin sınağını keçirə bilməz. ABŞ hərbi komandanlığı ötən həftə xəbərdarlıq edib ki, Şimali Koreya raketi kosmosda vurula bilər və bu məqsədlə zəruri hazırlıqlar görülür. Yaponiya da Şimali Koreyanın buraxmağa hazırlaşdığı raketi vurmaq üçün tədbirlər görür. Bunun ardınca Cənubi Koreyada ABŞ-ın və bu ölkənin hərbi qüvvələrinin birgə manevrləri başlayıb. Rəsmi qaynaqlar bu manevrlərin əvvəlcədən planlaşdırıldığını açıqlasalar da, Pxenyan onu müharibə hazırlıqları kimi qiymətləndirərək cavab tədbirləri görüb. Şimali Koreya ordusu ölkə lideri Kim Çen İrin əmri ilə yüksək döyüş hazırlığı vəziyyətinə gətirilib. Pxenyan bəyan edib ki, kosmosa buraxılacaq raketi vurmaq üçün göstəriləcək istənilən cəhd müharibə elanı kimi qiymətləndiriləcək. Şimali Koreyadan yayılan rəsmi bəyanatda deyildiyinə görə, ABŞ və Cənubi Koreyanın hərəkətləri nəticəsində yarımadada real hərbi qarşıdurma riski yaranıb. Hazırda Şimali Koreya Cənubi Koreya ilə sərhədinə çoxminli hərbi qüvvələr yerləşdirir. Cənubi Koreyadan havaya qalxan sərnişin təyyarələrinin isə ölkənin hava məkanına daxil olması qadağan edilib. Şimali Koreyanın bir neçə nüvə başlığına malik olduğu haqda xəbərlər var və istisna deyil ki, hərbi toqquşma zamanı bu vasitələrdən istifadə olunacaq. Bu arada Şimali Koreyada keçirilən parlament seçkilərinin nəticələri açıqlanıb. Bazar günü keçirilən seçkilərin nəticələrinə görə Kim Çen İr namizədliyini irəli sürdüyü seçki dairəsində 100 faiz səs alıb. Həmin dairədə seçicilərin hamısının iştirak etdiyi və onların yekdilliklə Kim Çen İrə səs verdiyi bildirilir. Şimali Koreya qanunlarına görə, yeni formalaşan parlament ölkənin ali qurumu olan Müdafiə Komitəsinin yeni rəhbərini seçməlidir. Həmin posta tək namizəd isə Kim Çen İr olacaq. Bildirilir ki, bu seçkilərdə Kim Çen İrin də oğlu deputat seçilib. Onun atasının potensial varisi olduğu deyilir. musavat

GUNAZ.TV

SON XƏBƏRLƏR