Contact Us

SON XƏBƏRLƏR

Xaricdən Azərbaycana miqrant axını çoxalıb

2021.10.20, 07:36
Xaricdən Azərbaycana miqrant axını çoxalıb

Gunaz.tv
Xaricdən Azərbaycana miqrant axını çoxalıb miqrant1.jpg Miqrasiya proseslərinin idarə olunmasında “bir pəncərə” sisteminin tətbiq ilə əlaqədar xaricdən Azərbaycana əmək miqrantlarının axını arta bilər. Son bir neçə ildə ölkəyə gələn miqrantların sayının çoxalması da belə deməyə əsas verir. Əmək və Əhalinin Sosial Müdafiəsi Nazirliyindən Lent.az-a bildiriblər ki, 2007-ci ildə fərdi icazə əsasında Azərbaycana işləməyə gələn xarici vətəndaşların sayı 1118 nəfər olub. Ötən il isə bu rəqəm 4259-a çatıb. Elə bu səbəbdən də hökumət əcnəbi işçi miqrantların ölkəyə axınının qarşısını almaq, əmək bazarında yerli vətəndaşlara daha geniş şərait yaratmaq məqsədilə “Dövlət rüsumu haqqında” qanuna müvafiq əlavə və dəyişikliklər edib. Həmin dəyişikliklərə uyğun olaraq, Azərbaycanda işləməyə gələn əcnəbilər bir illik icazə üçün 45 manat əvəzinə 1000 manat dövlət rüsumu ödəməli olacaq. Nazirlikdə bildirirlər ki, əcnəbi vətəndaşlarının əmək fəaliyyətinə cəlb olunması ilə bağlı rüsumun 25 dəfə qaldırılması sahibkarları yerli işçi qüvvəsinə üstünlük verməyə vadar edəcək. Məhz bu dəyişikliklərdən sonra fərdi icazə sənədi verilən miqrantların sayı cəmi 22 nəfər olub. Xatırladaq ki, martın 4-də prezident İlham Əliyev miqrasiya proseslərinin idarə olunmasına dair daha bir fərman imzalayıb. Fərmana əsasən, miqrasiya idarəetmə mexanizminin təkmilləşdirilməsi, ölkəyə gələn əcnəbilərə və vətəndaşlığı olmayan şəxslərə Azərbaycanda qanuni əsaslarla yaşamaları və əmək fəaliyyəti ilə məşğul olmaları üçün müvafiq icazələrin verilməsi, onların yaşayış yeri üzrə qeydiyyata alınması prosedurları sadələşdiriləcək. Əmək və Əhalinin Sosial Müdafiəsi Nazirliyindən bildiriblər ki, bu fərman işə götürənlərin yüksək ixtisaslı miqrantlara üstünlük verməsinə imkan yaradacaq. Həmçinin dövlət rüsumunu ödəməkdən yayınan xarici vətəndaşların vahid mərkəzdən və təkmilləşdirilmiş qaydalara uyğun olaraq, qeydiyyat prosedurunun şəffaflığını təmin edəcək. Miqrantları müvafiq icazə sənədi olmadan işə götürən təşkilatlar barəsində isə sərt tədbirlər görüləcək.

SEÇİLMİŞ XƏBƏRLƏR

Çox oxunanlar