Ermənilər 3 əsgərin Azərbaycan tərəfə keçdiyini təsdiqlədi

SON XƏBƏRLƏR

Ermənilər 3 əsgərin Azərbaycan tərəfə keçdiyini təsdiqlədi

2021.10.20, 07:36

Gunaz.tv

Ermənilər 3 əsgərin Azərbaycan tərəfə keçdiyini təsdiqlədi -

Erməni silahlı qüvvələri üç erməni əsgəri - Qrant Markosyan, Alik Tevosyan və Artur Sarkisyanın Azərbaycan tərəfinə keçdiyini təsdiqləyib. Qeyd edək ki, qurum, günorta saatlarınadək faktı təkzib edirdi. Bakı vaxtı ilə saat 13.55-də ermənilərin “Regnum” agentliyi məlumat yaymışdı ki, bu barədə məlumatlar Azərbaycan tərəfinin növbəti dezinformasiyasıdır. Lent.az-ın məlumatına görə, cəmi bir neçə saat sonra isə “Regnum” “DQR-in müdafiə nazirliyi” adlı qondarma quruma istinadən faktı təsdiqləyib. Məlumata görə, 3 erməni əsgəri hələlik naməlum qalan səbəblərdən Ağdam istiqamətində cəbhə xəttini keçərək, Azərbaycan ordusunun nəzarət etdiyi ərazidə mülki vətəndaşlardan yemək və su istəyiblər. ANS-press xəbər verir ki, hərbi geyimdə olan əsgərlər “Ergi düzü”ndə heyvandarlıqla məşğul olan Azərbaycanlı fermerlərin yaşadığı əraziyə yaxınlaşıb, qida və su istəyiblər. Heç bir müqavimət göstərməyən və könüllü olaraq silahsız surətdə Azərbaycan tərəfinə keçdiklərini etiraf edən erməni hərbçilərini yerli fermerlər telefon vasitəsi ilə lentə alıb. Kadrlardan da görünür ki, onların üçü də hərbi geyimdədir və sakit tərzdə yerli sakinlərin suallarına cavab verirlər. Erməni hərbçiləri Azərbaycan tərəfinə keçmələrinin səbəbini xəstə olmaları və hərbi hissədə onların müalicəsinə diqqət yetirilməməsi ilə izah ediblər. Sual-cavabdan aydın olur ki, erməni əsgərlərindən yalnız biri rus dilində danışa bilir və bütün suallara da o cavab verir. Digər 2 əsgər rus dilini bilmədiyini deyib. Sakinlər əsgərlərin erməni hərbçiləri olduğunu anlayandan sonra ərazidəki hərbi hissəyə məlumat verilib və onlar hərbi hissəyə aparılıb. Hər üç əsgər Ermənistan ordusunda müddətli hərbi xidmətdə olub.

GUNAZ.TV

SON XƏBƏRLƏR