İran "Nabucco"ya qoşulmağa çalışır Sabit Bağırov: "İranın bu layihədə iştirakı realdır, ancaq rəsmi Tehranın Qərblə dərin ziddiyyətləri mövcuddur" Cənub qonşumuz Avropanın qaz bazarında fəal oyunçuya çevrilmək istəyir. "İnternational Herald Tribune" qəzeti yazıb ki, İran tarixən özünün qaz təchizatı potensialından siyasi alət kimi istifadə etməyə çalışıb. Qəzet Avropa Birliyinin enerji məsələləri üzrə komissarının sözçüsü Feran Taradellosun az əvvəl söylədiklərini də xatırladıb. Feran Taradellos bildirib ki, Tehranın yerində o da olsadyı, qaz amilindən kart kimi istifadə edərdi. Amma enerji məsələləri üzrə komissarın sözçüsü vurğulayıb ki, İranın nə istəməsi Avropanın mövqeyini dəyişə bilməz, bu ölkənin qazı Avropanın dərdinə məlhəm deyil. "İnternational Herald Tribune"yə görə, əgər günlərin bir günü İran ətrafındakı beynəlxalq mübahisələr, məsələn, uranın zənginləşdirilməsi məsələsi həll olunarsa, onda Avropanın bu ölkəylə əməkdaşlığı istisna olunmur. Lakin belə bir gün gəlməyə də bilər. Ramiz Mikayıloğlu Qəzet yazır ki, Avropanın Rusiyadan qaz asılılığını aradan qaldırmaqda dəyəri 10,3 milyard dollar olan "Nabucco" ciddi rol oynaya bilər. Amma "Nabucco" layihəsi Türkiyənin Avropa Birliyinə üzvlüyündən tutmuş Birliyin Rusiya ilə münasibətlərinə qədər bir sıra məsələlərdə maneələrlə üzləşir. Digər nüfuzlu mətbu orqan-"Finansial Times" yazır ki, Xəzər qazının Avropaya nəqlində əsas iki maneə var. Bunlar Rusiya və Türkiyədir. "Avropa Xəzər qaz kəmərinə nəzarəti itirir" başlıqlı məqalədə Avropa Azərbaycan qazını tezliklə almağa çağırılır. Əks halda avropalıların Azərbaycan qazını itirəcəkləri yönündə xəbərdarlıq olunur. "Finansial Times" Xəzər qazının Avropaya nəqlində əsas siyasi maneə kimi iki ölkəni-Rusiya və Türkiyəni görür. Məqalədə vurğulanır ki, son vaxtlar Avropa Birliyindən soyuqluq görən türk hökuməti mbvqeyini dəyişib. İndi baş nazir Rəcəb Tayyib Ərdoğanın hökuməti Azərbaycan qazını Avropaya çatdıracaq tranzit ölkəndənsə regional mərkəz olmaq mövqeyini sərgiləyir. Yəni AKP hökuməti qazı Azərbaycandan alıb, Avropaya öz qiymətləriylə satmaq niyyətindədir. Bu da avropalılar üçün sərfəli deyil. Məqalədə deyilir ki, Avropa tez hərəkətə keçməsə, Rusiya cənub dəhlizini də bağlayar. Ona görə ki, Moskva artıq Azərbaycan qazını almaqla bağlı da təklifini dilə gtirib. Yeri gəlmişkən, Qərb mətbuta İranın Azərbayanda artan səylərinə də diqqət çəkir. Azərbayan-İran hökumətlərarası danışıqlar yeni başa çatıb. Məsələ ilə bağlı fikilərini öyrəndiyimiz İqtisadi və Siyasi Tədqiqatlar Mərkəzinin rəhbəri Sabit Batırov deyir ki, İranın "Nabucco" layihəsində iştirakı texniki və ehtiyatlar baxımından realdır. Ancaq ortada uranın zənginləşdirilməsi və başqa məsələlərə görə Qərblə dərin ziddiyyətlər, siyasi maneələr mövcuddur. Bu maneəni aradan qaldırmaq ABŞ və İran münasibətlərinin inkişafından asılıdır: "ABŞ-ın yeni prezidenti Barak Obama bəzi bəyanatlar verib. Proseslərin hansı istiqamətdə gedəcəyini görmək üçün müəyyən zaman tələb olunur". "Nabuco"ya maneə qismində Rusiyayla bərabər Türkiyənin də adının çəkilməsinə gəlincə, Sabit Bağırov bildirdi ki, Ankaranın bu məsələdə öz maraqları var və təbii ki, həmin maraqlarının həyata keçməsini istəyir: "Ancaq iş həm də orasındadır ki, Azərbaycan hələ "Nabucco" ilə bağlı Türkiyəylə rəsmi razılığa gəlməyib. Bu da ondan qaynaqları ki, bu vaxta kimi Azərbaycan hökuməti özü də son qərarını qəbul etməyib. Bəli, "Nabucco" layihəsini dəstəkləyən xarakterli bəyanatlar var. Amma bu barədə ciddi söhbətlər olmayıb. Yəni Bakı hələ Ankaraya birbaşa öz marağını rəsmi olaraq çatdırmayıb. Belə vəziyyətdə də Türkiyə çalışır ki, hələ ki, öz maraqlarına əsaslansın