GAİP – in keçmiş İngiltərə təmsilçisi Əlirza İmani (Elnur Mərəndli) deport təhlükəsilə ilə üz-üzədir

SON XƏBƏRLƏR

GAİP – in keçmiş İngiltərə təmsilçisi Əlirza İmani (Elnur Mərəndli) deport təhlükəsilə ilə üz-üzədir

2021.10.20, 07:36

Gunaz.tv

GAİP – in keçmiş İngiltərə təmsilçisi Əlirza İmani (Elnur Mərəndli) deport təhlükəsilə ilə üz-üzədir

Məlumat üçün bildirək ki, Güney Azərbaycan milli hərəkat fəalı Əlirza İmani (Elnur Mərəndli) Güney Azərbaycan milli hərəkatında göstərdiyi fəaliyyətdən dolayı iran rejiminin işgəncə və təzyiqləri nəticəsində 2003 – cü ildə Güney Azərbaycanı tərk etmək məcburiyyətində qalıb və Hollandiya ölkəsinə sıgınıb. Təxminən bir il müddətində Hollandiya İmmiqrant İdarəsi tərəfindən ona verilən rədd cavabından sonra Hollandiya hökumətinin onu yenidən İrana qaytarmaq təhlükəsindən yayınmaq üçün İngiltərəyə getmək məcburiyyətində qalıb və siyasi sığınacaq üçün hökumətə müraciət edib. İngiltərədə olduğu 5 il müddətində Əlirza İmani (Elnur Mərəndli) öz siyasi fəaliyyətini GAİP – in üzvi kimi və sonuncu bir ildə GAİP – in İngiltərə təmsilçisi kimi davam etdirib. İngiltərə Parlamenti qarşısında Güney Azərbaycan milli fəallarının hüquqlarının müdafiəsi ilə baglı dəfələrlə GAİP – in keçirdiyi etiraz aksiyalarının təşkilatçısı olub. Bu müddət ərzində də İngiltərə hökuməti tərəfindən onun işinə müsbət cavab verilməyib. 2008 – ci ilin avqustunda İngiltərə İmmiqrant İdarəsi Əlirza İmaninin yenidən Hollandiyaya deport edilməsi qərarını verərək səbəb kimi onun ilk sıgındığı ölkəyə qaytarılmasının zəruriliyini göstərib. Hollandiyaya deport olunduğu müddətdən bu günədək milli fəal Alirza Imani zindanda saxlanılıb və hazırda o, Hollandiya İmmiqrant İdarəsi tərəfindən İrana verilmək təhlükəsi qarşısındadır. Bu səbəbdən də Alirza Imani fevral ayının 18 –dən saxlandığı zindanda acaksiyasına başlayıb. Aclıq aksiyasına daha bir güney azərbaycanlı olmaqla digər ölkələrdən olan 29 mühacir də qoşulub. Aldığımız son məlumatlara görə, aclıq aksiyasının 3 –cü günü polis aksiyanı dayandırmaq məqsədilə aksiya iştirakşılarını müxtəlif yerlərə aparıb. Hazırda Alirza Imani Sxipol şəhərinin Zeist adlı müvəqqəti saxlama mərkəzində təkadamlıq kamerada saxlanılır. O, aclıq aksiyasını hələ də davam etdirir və səhhəti getdikcə ağırlaşır. Güney Azərbaycan İstiqlal Partiyası hazırda acınacaqlı durumda olan milli fəal Alirza Imaninin (Elnur Mərəndli) İrana deportasiya təhlükəsinin qarşısını almaq və onun hüquqlarının müdafiə edilməsi məqsədilə BMT – nın İnsan Hüquqları Şurasına, BMT – nin Cenevrədəki Qaçqınlar üzrə Ali Komissarlığına, Beynəlxalq Əfv Təşkilatına, Hollandiyanın baş nazirinə və müxtəlif ölkələrdəki Hollandiya səfirliklərinə müraciət edib. Eyni zamanda GAİP xaricdə fəaliyyət göstərən İnsan hüquqlarını Müdafiə edən Azərbaycan təşkilatlarının da bu məsələni gündəmdə saxlamalarını və beynəlxalq təşkilatlara müraciət etmələrini gözləyir. Güney Azərbaycan İstiqlal Partiyasının Araşdırma və İnformasiya Mərkəzi

GUNAZ.TV

SON XƏBƏRLƏR