MAQATE həyəcan təbili çalır

SON XƏBƏRLƏR

MAQATE həyəcan təbili çalır

2021.10.20, 07:36

Gunaz.tv

MAQATE həyəcan təbili çalır

Fars şovinist rejimi atom bombası əldə etmək üçün kifayət qədər urana malikdir İran adlanan yer bir nüvə bombası hazırlamaq üçün kifayət qədər az zənginləşdirilmiş uran ehtiyatı yarada bilib. Ekspertlərin dəyərləndirməsinə əsasən, İran adlanan yer Natanzdakı nüvə mərkəzində bir tondan artıq uran toplayıb. www.D-A-K.org –a daxil olan məlumata görə, bu barədə məlumat Beynəlxalq Atom Energetikası Agentliyinin (MAQATE) yeni hesabatında yer alıb. Qurum rəsmiləri əvvəllər İran adlanan yerin uran istehsalı sahəsində hərəkətləri lazımi qiymətləndirilmədiyini etiraf ediblər. MAQATE-nin məlumatına əsasən, ötən il noyabrın ortalarına qədər İran adlanan yer artıq 839 kiloqram zənginləşdirilmiş urana malik olub. Tehran bu il yanvarın sonlarına kimi, daha 171 kiloqram uran istehsal edib. Ötən ilin noyabrında İran adlanan yerdə uranın zənginləşdirilməsi üçün 3800 sentrifuqa olub, həmin vaxtdan bəri isə daha 164 sentrifuqa istifadəyə verilib. Xatırladaq ki, amerikalı ekspertlər hələ 2008-ci ilin noyabrında İran adlanan yerin nüvə bombası hazırlamaqdan ötrü kifayət qədər urana malik olduğunu bildirirdilər. MAQATE ekspetləri isə indi Tehranın malik olduğu zənginləşdirilmiş uranın bir nüvə bombası hazırlamağa yetərli olduğunu bildiriblər. Lakin İran adlanan yerin malik olduğu az zənginləşdirilmiş uranı yüksək zənginləşdirilmiş urana çevirmək üçün bir neçə ay tələb olunur. Hələ ki, bu istiqamətdə Tehranın fəal hərəkətləri qeydə alınmayıb. MAQATE rəsmilərinin fikrincə, nə Natanzda, nə də İran adlanan yerin hansısa bir nüvə obyektində yüksək zənginləşdirilmiş uran istehsal etmək üçün avadanlıq yoxdur. Beynəlxalq Atom Energetikası Agentliyinin baş direktoru Məhəmməd əl-Baradei İran adlanan yerin narahatlıq doğuran məsələlərlə bağlı daim əməkdaşlıqdan imtina etdiyindən qurumun bu ölkənin nüvə proqramının hərbi məqsədlərə xidmət edib-etməməsini aydınlaşdırmaq istiqamətində irəliləyişə nail ola bilmədiyini vurğulayıb. Dünya ictimaiyyətinin bütün çağırışlarına məhəl qoymayan Tehran nüvə proqramının dinc məqsədlərə xidmət göstərdiyini bildirir. BMT-dəki mənbələrə istinad edən "New York Times" qəzetinin yazdığına görə, İran adlanan yer indiyə qədər beynəlxalq ictimaiyyəti aldadıb. BMT eksperti bəyanlayıb ki, Tehranın atom bombası istehsal etmək üçün kifayət qədər zənginləşdirilmiş uranı var: "Hər şey biz düşündüyümüzdən də pisdir. İran adlanan yerdəki hökumət müşahidəçilərdən tonlarla zənginləşdirilmiş uranı gizlədiblər. Biz səhv etmişik. Biz zənginləşdirilməsi üzrə aparılan işlərin miqyasına düzgün qiymət verə bilməmişik".

GUNAZ.TV

SON XƏBƏRLƏR