«Bakı-İslam mədəniyyətinin paytaxtı-2009» mədəniyyət ilinin təntənəli açılış mərasimi keçirilib

SON XƏBƏRLƏR

«Bakı-İslam mədəniyyətinin paytaxtı-2009» mədəniyyət ilinin təntənəli açılış mərasimi keçirilib

2021.10.20, 07:36

Gunaz.tv

«Bakı-İslam mədəniyyətinin paytaxtı-2009» mədəniyyət ilinin təntənəli açılış mərasimi keçirilib

Tədbirdə bir sıra Avropa və İslam ölkələrindən şəhər merləri, dörd ölkənin nazirliklərindən ibarət nümayəndə heyəti iştirak edir Bu gün(18 fevral) Bakıda Heydər Əliyev adına Sarayda «Bakı-İslam mədəniyyətinin paytaxtı-2009» mədəniyyət ilinin təntənəli açılış mərasimi keçirilib. Tədbirdə bir sıra Avropa və İslam ölkələrinin şəhər merləri, dörd ölkənin nazirliklərindən nümayəndə heyəti, eyni zamanda mədəniyyət nazirləri iştirak edir. Mərasim iştirakçıları Fəxri Xiyabanda Heydər Əliyevin məzarını və Şəhidlər Xiyabanını ziyarət etdikdən sonra tədbirin keçirildiyi ünvana yollanıblar. Konsertdə Azərbaycan musiqiçiləri ilə yanaşı, Lids şəhərindən dəvət olunmuş xüsusi kvartet də çıxış edəcək. Bundan başqa, 2 gün ərzində şəhərin mərkəzi meydanlarında şənliklər keçiriləcək, Avropa rəssamlarının da iştirak etdiyi bir sıra foto və rəsm sərgilərinin, «Qədim Bakı» kitabının və «Bakı-İslam mədəniyyətinin paytaxtı-2009» veb-saytının təqdimatı olacaq. İSESKO-nun Baş direktoru Əbdüləziz bin Osman Əl-Tuveycri də tədbirdə iştirak edənlərin arasındadır. Onun sözlərinə görə, bu, İslam dünyası üçün mühüm tədbirlərdən biridir: «Bu gün biz Bakını İslam mədəniyyətinin paytaxtı kimi qeyd edirik. Bakı şəhəri İslam sivilizasiyası və İslam mədəniyyəti üçün mühüm və tarixi şəhər sayılır. Hesab edirəm ki, bu gündən sonra Bakı bu sivilizasiyaların dialoqu üçün mühüm rol oynayacaq. Bu, o deməkdir ki, bu şəhər dünəni bu günlə, bu günü isə sabahla qovuşdurur. Biz İSESKO və İslam Konfransı Təşkilatı çox böyük fəxrlə Bakını İslam ölkələrinin paytaxtı kimi qeyd edirik və bütün Azərbaycan xalqına və xüsusilə də Bakı şəhərinin sakinlərinə uğurlar arzu edirik». /ANS TV/

GUNAZ.TV

SON XƏBƏRLƏR