Contact Us

SON XƏBƏRLƏR

Mustafa Kabakçı: “Türkiyənin Azərbaycan siyasəti dəyişməyib”

2021.10.20, 07:36
Mustafa Kabakçı: “Türkiyənin Azərbaycan siyasəti dəyişməyib”

Gunaz.tv
Mustafa Kabakçı: “Türkiyənin Azərbaycan siyasəti dəyişməyib” mustafa-kabakci2.jpg “Türkiyənin Azərbaycan siyasətində heç bir dəyişiklik yoxdur, ola da bilməz”. Bunu APA-ya eksklüziv açıqlamasında Türkiyə Böyük Millət Məclisinin (TBMM) üzvü, Türkiyə-Azərbaycan dostluq qrupunun rəhbəri Mustafa Kabakçı deyib. Millət vəkili Türkiyənin Ermənistan münasibətlərinin yaxşılaşdırılması üçün işğal altında olan Azərbaycan torpaqlarının boşaldılması tələbindən vaz keçdiyi barədə məlumatın həqiqəti əks etdirmədiyini vurğulayıb: “Bu barədə məlumat yayılandan sonra Türkiyənin Xarici İşlər Nazirliyi ilə əlaqə saxladım. Oradan mənə Türkiyənin Azərbaycanla bağlı siyasətində heç bir dəyişiklik olmadığını dedilər. Mən Türkiyə-Azərbaycan dostluq qrupunun rəhbəri olaraq, Türkiyə dövlətinin mövqeyini bildirirəm. Dağlıq Qarabağ problemi təkcə Azərbaycanın yox, həm də Türkiyənin məsələsidir. Ortada Azərbaycan tərəfinə edilən bir haqsızlıq var, Dağlıq Qarabağ işğal edilib. Bizim torpaqların erməni işğalçılarının boşaltması ilə bağlı şərtdən vaz keçməyimiz mümkün deyil”. Qeyd edək ki, Azadlıq radiosunun (“Liberty”) Ermənistan xidməti Türkiyənin işğal altındakı Azərbaycan torpaqlarının boşaldılması tələbindən vaz keçdiyi barədə məlumat yayıb. Lakin Türkiyə XİN bu günə qədər məlumatın təkzib edən açıqlama ilə çıxış etməyib.

SEÇİLMİŞ XƏBƏRLƏR

Çox oxunanlar