Metyu Brayza: "ABŞ Gürcüstan ərazisində özünün hərbi bazalarını yerləşdirə bilər"

SON XƏBƏRLƏR

Metyu Brayza: "ABŞ Gürcüstan ərazisində özünün hərbi bazalarını yerləşdirə bilər"

2021.10.20, 07:36

Gunaz.tv

Metyu Brayza: "ABŞ Gürcüstan ərazisində özünün hərbi bazalarını yerləşdirə bilər"

"Bu məsələ Rusiyanın tanınmamış Abxaziya respublikasında hərbi baza yaratmaq planlarına qarşı gündəmə gələ bilər" «Rəsmi Vaşinqton, Rusiyanın tanınmamış Abxaziya respublikası ərazisində dəniz, aviasiya və 2 quru hərbi baza yaratmaq niyyətindən narahatdır». Bu barədə ABŞ Dövlət katibinin müavininin köməkçisi Metyu Brayza bəyan edib. Bunun qarşısını almaq üçün çəkindirici faktor kimi, Amerika Birləşmiş Ştatlarının Gürcüstanda hərbi bazalarının açılmasını nəzərdə tutan anti-plan meydana çıxa bilər. Rəsmi Tiflis hesab edir ki, Moskva Abxaziyadakı planlarını yenidən nəzərdən keçirəcəyi təqdirdə, ABŞ bazaları Gürcüstan ərazisində yerləşdirilməyə bilər. Verilən məlumata görə, Gürcüstan artıq Poti liman şəhəri və Marneulidə Amerika hərbi bazalarının yaradılması məsələləri üzrə rəsmi Vaşinqtonla danışıqlara başlayıb. Bu, yanvarın sonlarında ABŞ-ın Avropadakı quru qoşunlarının general Karter Hemin rəhbərliyi altında nümayəndə heyətinin Gürcüstana səfəri zamanı müzakirə obyekti olub. Bildirilir ki, həmin görüşdə ABŞ-ın nümayəndə heyəti ilə gələcək hərbi əməkdaşlığın perspektivləri müzakirə olunub. Qeyd olunur ki, ABŞ bazalarının Gürcüstan ərazisində yerləşdirilməsi hərbi qurumlar arasında müzakirə olunur və Moskva işğal olunmuş ərazilərdə öz bazalarını yerləşdirmək planlarından imtina etsə, onda Tiflis də bu ideyadan vaz keçə bilər. Qeyd edək ki, Gürcüstanda ABŞ hərbiçilərinin peyda olması barədə məlumatlar ilin əvvəllində Vaşinqtonda strateji tərəfdaşlıq xartiyasının imzalanmasından sonra ortaya çıxıb. «Xalq leyborist partiyası» isə bəyənat yayaraq hakimiyyəti pulsuz olaraq ABŞ hərbi bazalarını yerləşdirmək niyyətində ittiham edib. Müxalifətin ittihamları cavabsız qalıb. Hazırda Gürcüstanın dövlət naziri Temuri Yakobaşvili bu barədə heç bir məlumatının olmadığını bildirir. Hərbi məsələlər üzrə ekspert Koba Liklikadze Gürcüstanda ABŞ hərbi bazalarının yaradılması reallığına şübhə ilə yanaşdığını bildirib. Xatırladaq ki, bazar günü ABŞ Dövlət Departamentinin nümayəndəsi Metyu Brayza bəyan edib ki, Moskvanın Abxaziya ərazisində bazalar yaratmasına ehtiyac yoxdur və regiondakı BMT müşahidə missiyası mandatının uzadılması daha yaxşı variant olardı. Bundan bir gün əvvəl NATO-nun mətbuat katibi Ceyms Appaturay narahatlığını dilə gətirib: «NATO Rusiya bazalarının Abxaziya və Cənubi Osetiyada yerləşdirilməsinin əleyhinədir. NATO üzrə müttəfiqlər birmənalı və yekdil şəkildə Gürcüstanın ərazi bütövlüyünü dəstəkləyir». O, qurumun baş katibi Yaap De Hop Skefferin bu məsələni Münhendə Rusiya baş nazirinin müavini Sergey İvanovla görüşdə qaldıracağını bildirib. /ANS TV/

GUNAZ.TV

SON XƏBƏRLƏR