Contact Us

SON XƏBƏRLƏR

OBAMA İRAN VƏ SURİYA İLƏ GİZLİ DANIŞIQLARA BAŞLAYIB

2021.10.20, 07:36
OBAMA İRAN VƏ SURİYA İLƏ GİZLİ DANIŞIQLARA BAŞLAYIB

Gunaz.tv
OBAMA İRAN VƏ SURİYA İLƏ GİZLİ DANIŞIQLARA BAŞLAYIB Nüvə silahı məsələləri üzrə mütəxəssislərin Tehranla gizli təmaslara keçdiyi bildirilir 6756.jpg ABŞ prezidenti Barak Obama İran və Suriya ilə gizli danışıqlar aparır. Bu barədə xəbərləri ABŞ-ın Beynəlxalq Araşdırmalar Qurumu “Pugwash”ın direktoru Ceffri Botvell yayıb. Onun məlumatına görə, Amerikanın nüvə tərksilahı üzrə mütəxəssisləri son aylarda Obamanın göstərişi ilə Tehranla çox gizli təmaslara keçib. Botvell bildirib ki, bu danışıqlar zamanı İranın nüvə məsələsi ilə yanaşı, Yaxın Şərqdə sülh prosesi və Tehranı Qərbdən uzaqlaşdıran problemlər də müzakirə edilir. Onun bildirdiyinə görə, Obamanın Tehran və Dəməşqlə gizli danışıqlar aparan komandasında keçmiş müdafiə naziri Uilyam Perri də yer alır. Komandada yüksək səlahiyyətli digər şəxslər də var, amma Botvell onların adlarını açıqlamayıb. Lakin “Foreign Policy” düşüncə mərkəzinin jurnalında məlumat gedib ki, İran tərəfdən danışıqlarda bu ölkənin Atom Enerjisi üzrə Beynəlxalq Agentlikdəki xüsusi nümayəndəsi Əli Əsgər Sultaniyyə yer alır. O da məlum olub ki, keçmiş prezident Bill Klintonun müşaviri, Obamanın keçid komandasında yer alan Ellen Laipsonun başçılığı ilə Birləşmiş Ştatlar Sülh İnstitunun bir qrup eksperti ötən həftə Suriyada olub və prezident Bəşər Əsəd tərəfindən qəbul edilib. Lakin ABŞ administrasiyasındakı mənbələr İran və Suriya ilə gizli danışıqların aparıldığına dair xəbərləri təkzib edib. Bununla belə, rəsmi qaynaqlar məsələ ilə bağlı ətraflı danışmaqdan imtina ediblər. Prezident Barak Obama seçki kampaniyası zamanı İranla danışıqların mümkün olduğunu bildirmişdi. Ancaq o, hakimiyyət başına gələndən sonra İrana dair Birləşmiş Ştatların əvvəlki mövqeyini təkrarladı. Obama bildirir ki, İranla danışıqlar mümkündür, ancaq bunun üçün Tehran əvvəlcə zənginləşdirilmiş uran proqramlarını dayandırmalı və terrora dəstəyi kəsməlidir. Bu günlərdə Obama İrana dair bütün variantların, o cümlədən güc tətbiqi variantının da qüvvədə olduğunu bəyan edib. Xəbər xidməti musavat

SEÇİLMİŞ XƏBƏRLƏR

Çox oxunanlar