Contact Us

SON XƏBƏRLƏR

DƏMİRƏL “DƏRİN DÖVLƏT”dən DANIŞDI

2021.10.20, 07:36
DƏMİRƏL “DƏRİN DÖVLƏT”dən DANIŞDI

Gunaz.tv
DƏMİRƏL “DƏRİN DÖVLƏT”dən DANIŞDI “Türkiyədə tək dövlət var” 2099.jpg Türkiyədə son vaxtlar adı “dərin dövlət” və ya “Ergenekon”la hallandırılan eks-prezident Süleyman Dəmirəl “Eko Eenerji” adlı jurnala müsahibəsində bu məsələlərə aydınlıq gətirib. O deyib ki, Türkiyədə dərin dövlətin olub-olmadığı haqda müzakirələr uzun müddətdir aparılır. Ancaq hamı bilməlidir ki, dövlət təkdir: “Türkiyədə birdən artıq dövlət yoxdur. Dövlətin birliyi həyati əhəmiyyətlidir”. Dəmirəl əlavə edib ki, “Ergenekon” işində yüksək rütbəli hərbçilərin həbs edilməsi cəmiyyətdə dərin narahatlıq yaradıb. Onun sözlərinə görə, Türkiyədə silahlı qüvvələri nüfuzdan salmaq və parçalamaq üçün kampaniya gedir: “Bir ölkəni dağıtmağın ən yaxşı yolu onun silahlı qüvvələrini dağıtmaqdan keçir. Ordunu dağıtmaq üçün isə onu parçalamaq lazımdır. Ordunu da parçalamağın yolu onu siyasətin içərisinə çəkməkdir. Ona görə də biz daim çevriliş edən orduların öz içərilərində bölünmələrindən ehtiyat etmişik. Yəni, siyasətçi əsasən bundan qorxar. Ona görə də əgər bir ordu siyasətin içinə giribsə bir an əvvəl siyasətin içindən çıxması, təmizlənməsi, yenidən əsl vəzifəsinin icrasına başlaması lazımdır” . Keçmiş prezident əlavə edib ki, “Ergenekon” işində bəzi istefada olan və xidmət keçən zabitlər ortada ciddi iddia olmasa da, həbs olunublar. Bu cür həbslər davam edir. Bu isə narahatlıq yaradır. Lakin bunun da çarəsi tapılmalıdır. Dəmirələ görə, əgər bir tərəfdə həqiqətən silah varsa, çevriliş hərəkatına hazırlıq varsa, “mənə toxunmayın” demək mümkün deyil: “Lakin belə təhlükənin olması ehtimalına qarşı günahı olmayan bir sıra şəxsləri də bu işin içərisinə daxil edirlərsə, bu, incidici və narahatedicidir. Ancaq o da var ki, bunları ayrıd etmək indi fövqəladə çətindir”. Dəmirəl deyib ki, nə zaman ölkənin uçurumun kənarına gəldiyi, vətəndaş qarşıdurması təhlükəsinin yarandığı, yaxud Türkiyənin çökdüyü haqda iddialar ordunun əlində bayraq olsa, o zaman çevriliş baş verəcək. Keçmiş prezident vurğulayıb ki, Türkiyə bunları keçmişdə çox yaşayıb. “Buna bir ad tapmaq istəyirsinizsə, o zaman ordu dövlətdir. Dərindəki dövlətdir, yaxud dərin dövlətdir”.

SEÇİLMİŞ XƏBƏRLƏR

Çox oxunanlar