Contact Us

SON XƏBƏRLƏR

MOSKVADA RƏSULZADƏNİ ANMA MƏRASİMİ KEÇİRİLİB

2021.10.20, 07:36
MOSKVADA RƏSULZADƏNİ ANMA MƏRASİMİ KEÇİRİLİB

Gunaz.tv
MOSKVADA RƏSULZADƏNİ ANMA MƏRASİMİ KEÇİRİLİB 2309.jpg Yanvarın 31-də Moskvadakı Millətlər Evində Azərbaycan Demokratik Respublikasının qurucusu və ideoloqu Məhəmməd Əmin Rəsulzadənin 125 illiyinə həsr olunmuş anım gecəsi keçirilib. Bu barədə qəzetimizə Məhəmməd Əmin Rəsulzadə irsinin tədqiqatçısı, tarixçi-alim Nəsiman Yaqublu mhlumat verib. Onun sözlərinə görə, Rəsulzadə adına Cəmiyyətin təşəbbüsü ilə keçirilən mərasimə Ümumrusiya Azərbaycan Konqresi, Dünya Azərbaycanlıları Konqresinin Rusiya bölməsi, “Bakılılar”, “Şəhriyar”, “Azərbaycan” cəmiyyətlərinin və 157 saylı Azərbaycan etnokultur məktəbinin kollektivi, Moskvadakı “İnter-Azərbaycan” telestudiyasının əməkdaşları qatılıblar. Görüşdə həmçinin Moskvada yaşayan həmyerlilərimiz, tanınmış alimlər, ziyalılar, iş adamları, tələbə və məktəbli gənclər, Rusiyanın tanınmış tarixçi alimlər iştirak edib. Toplantıda çıxış edən N.Yaqublu, tarixçi alim Rudolf İvanov, tədqiqatçı, ədəbiyyatşünas, jurnalist Aleksandr Borisoviç Qoryanin, Rusiya Tarix Elmləri Akademiyasının böyük əməkdaşı Salavat Midhatoviç İsxakov, görkəmli islamşünas alim Qasım Kərimov Məhəmməd Əmin Rəsulzadənin həyat və yaradıcılığı, onun Şərqdə ilk demokratik respublika olan Azərbaycan Xalq Cümhuriyyətinin yaradılmasında müstəsna rolu barədə fikirlərini söyləyiblər. Sonra Moskvadakı yeganə Azərbaycan məktəbinin şagirdləri ədəbi kompozisiya ilə çıxış ediblər. Mərkəz sədrinin sözlərinə görə, Moskvadakı tədbirlə Heydər Əliyev adına Fonddan maraqlansalar da, törənə qurumdan heç kim qatılmayıb. Görüşün sonunda iştirakçılara Moskvada yaşayan qocaman ədibimiz Əbdül Hüseynovun tərtib etdiyi və “Məhəmməd Əmin Rəsulzadə adına Məclisinin nəfis tərtibatla nəşr etdirdiyi ”Azərbaycan Demokratik Respublikası 1918-1920" kitabı hədiyyə edilib. NAİLƏ

SEÇİLMİŞ XƏBƏRLƏR

Çox oxunanlar