ADAPP’ın, İranda Urmiyalı Sünni Türklər ilə Bağlı Baş Verən Qanlı Olaylar Haqqında, Bəyanatı

SON XƏBƏRLƏR

ADAPP’ın, İranda Urmiyalı Sünni Türklər ilə Bağlı Baş Verən Qanlı Olaylar Haqqında, Bəyanatı

2021.10.20, 07:36

Gunaz.tv

ADAPP’ın, İranda Urmiyalı Sünni Türklər ilə Bağlı Baş Verən Qanlı Olaylar Haqqında, Bəyanatı

İranda Azərbaycanlı Siyasi Məhbusları Müdafiə Assosiasiyası, ADAPP, 2009 Yanvarın 14-də İran əmniyət güclərinin hücumuna məruz qalan Qərbi Azərbaycan əyalətinin mərkəzi Urmiya’da yerləşən Qızıl Xənəyə (Xaneqahe-Sorx) kəndi əhalisinin vəziyyəti ilə bağlı narahatlığını bildirir. ADAPP İran İslam Cumhuriyyətini son olaylarla bağlı açıqlıq gətirməyə çağırıb, Qərbi Azərbaycan’da 400,000 nəfərdən artıq Sünni məzhəbli Türklərin hüquqlarının qorunmasını istəyir. Sünni Müsəlmanlar İranda bir dini azlıq olaraq yaşayırlar. İran höküməti, Sünni Türkləri, ali təhsilə girmələrini çətinləşdirib, dini məktəb və qeyri-hökumət təşkilatları qurmaq izni verməyib və hökümət mərkəzlərində işə almamaq kimi ayrı-seçkiliklərə məruz qoyur. Hökümət eləcədə onların kəndərində yeraltı suların istiqamətini dəyişir və bununla əkin yerlərində su çatışmazlığı və əkinçilərin iqtisadi çətinliyə düşmələrinə səbəb olur. 2009 Yanvarın 14-də, Qızıl Xənəyə’li yüzlər əkinçi yeraltı su qaynaqlarının sənaye istifadəsi üçün yönləməsinə qarşı Urmiya-Salmas anayolunda etiraz aksiyası keçirdilər, ancaq onlarca polis məmuru gözyaşardıcı qaz və silahla dinc etirazçılara hücum etdib onlara atəş açdılar. Polis həmçinin kəndlilərə aid olan avtomobilləri zədələyib, qeydiyyat nömrələrini müsadirə edibdir. 30-dan artıq kənd sakini polis tərəfindən tutuldular. Həbsə alınanların bəzisi bunlardır; Barzad Nizami Əfşar, Mığdad Nizami Əfşar, Səid Cəfərpur, Məhəmməd Səmədzadə, Bəhram Quluzadə, Nadəli Quluzadə, Nadəli Əlipur, Merac Əlipur, Heydər Əlipur, Süleyman İbrahimzadə, Nasir Quluzadə, Əkbər Rüstəmi, İskəndər Əslani, Allahverdi Əslani, Fəraməz Cəfəri, Məhəmməd Cəfəri, Nağı-A və Davud-Ş. Gözaltına alınanların arasında yaralılar da var idi, ancaq ilk saatlarda onlar üçün tibbi imkanlar sağlanmadı. Yaralılar 5-6 saat sonra, ağır qanamalarına görə Urmiya’nın İmam Xumeyni Xəstəxanasına aparıldılar. Tutulanlar işgəncə edilərək sorgu-suala çəkilib və on günün içərisində vəsiqə qarşılığında sərbəst buraxıliblar. Ancaq onlar hökümətə qarşı üsyan və məhkəmə hökmünə hörmətsizlik etməklə günahlandırılıb və Nuşinşəhər (Urmiyanın yaxınlığında) məhkəməsində mühakimə ediləcəklər. ADAPP İran İslam Cumhuriyyətini Azərbaycan və başqa məntəqələrdə həyata keçirdiyi dini ayrı-seçkiliklərı durdurmağa çağıraraq, Qızıl Xənəyə’də baş verən qanlı olaylar haqqında açıqlıq verib zərər çəkmiş sakinlərin vəziyyətlərinə baxılmasını istəyir. ADAPP eləcə də İranın məhkəmə orqanlarından silahlı hücuma məruz qalan və zərər çəkmiş kənd əhalisi yerinə, onlara hücum edənlərin mühakimə edilmələrini istəməkdədir.

GUNAZ.TV

SON XƏBƏRLƏR