Contact Us

SON XƏBƏRLƏR

Qəzzada Ərdoğana dəstək mitinqi keçiriləcək

2021.10.20, 07:36
Qəzzada Ərdoğana dəstək mitinqi keçiriləcək

Gunaz.tv
Qəzzada Ərdoğana dəstək mitinqi keçiriləcək qezzada_erdogana_destek_.jpg Rəcəb Tayyip Ərdoğanın Davosda keçirilən Qəzza toplantısında İsrail prezidenti ilə mübahisə edərək toplantını tərk etməsi Qəzzada sevinclə qarşılanıb Türkiyənin baş naziri Rəcəb Tayyip Ərdoğanın Davosda Dünya İqtisadi Forumu çərçivəsində keçirilən "Qəzza Yaxın Şərq Sülh Modeli" toplantısında İsrail prezidenti ilə mübahisə edərək toplantını tərk etməsi Qəzzada sevinclə qarşılanıb. "Zaman" qəzetinin məluamıtna görə, Ərdoğanın bu etirazına dəstək olaraq Qəzza zolağında mitinq keçiriləcək. Bu barədə "Həmas" sözçüsü Fevzi Berhum məlumat verib və qeyd edib ki, "Həmas" təşkilatı, Ərdoğanın bu addımını məmnuniyyətlə qarşılayıb. "Həmas" baş vermiş olayla bağlı yazılı açıqlama da verib: "Həmas, Davosda canlı yayımda uşaqlarımıza və qadınlarımıza yönəlmiş sionist savaşın qurbanlarını müdafiə edən Türkiyə baş naziri Rəcəb Tayyip Ərdoğanın cəsur hərəkətini hörmətlə salamlayır".Açıqlamada belə deyilir. Sözçü, Ərdoğanın salonu tərk etməsini sionistlər tərəfindən soyqırıma məruz qalan, soyqırım qurbanlarına dəstək kimi qəbul etdiklərini bildirib. Xatırladaq ki, İsveçrənin Davos şəhərində keçirilən Dünya İqtisadi Forumunun Qəzzadakı vəziyyətə həsr edilmiş müzakirələri zamanı Ərdoğan İsrail prezidenti Şimon Pereslə mübahisə edərək tədbiri tərk edib. Müzakirələrdə Peresə çıxış üçün 25 dəqiqə, özünə isə 12 dəqiqə vaxt ayrılmasına etiraz edən Ərdoğan, reqlamentin pozulduğunu bildirib və Ş.Peresə "Hörmətli Peres, məndən yaşlısınız. Səsiniz çox ucadan çıxır. Bu, günahkar olmaq psixologiyasıdır. Siz sadəcə öldürməyi bilirsiniz. Uşaqları öldürürsünüz. Bu insanları öldürənləri alqışlamaq insanlıq cinayətidir",- deyib./ANS PRESS/

SEÇİLMİŞ XƏBƏRLƏR

Çox oxunanlar