Contact Us

SON XƏBƏRLƏR

İsrail prezidenti Türkiyə baş nazirinin qəzəbinə səbəb oldu

2021.10.20, 07:36
İsrail prezidenti Türkiyə baş nazirinin qəzəbinə səbəb oldu

Gunaz.tv
İsrail prezidenti Türkiyə baş nazirinin qəzəbinə səbəb oldu 20070715162352peres203.jpg Şimon Peres Davosda keçirilən Dünya İqtisadi Forumunda Türkiyənin baş naziri Recep Tayyib Erdoğan və İsrail prezidenti Şimon Peres arasında acıqlı qarşıdurma baş verib. İş o yerə çatıb ki, cənab Erdoğan Qəzzadakı vəziyyətlə bağlı debatın sonunda salonu nümayişkaranə şəkildə tərk edib. Türkiyə baş naziri hiddətlə bildirib ki, ona prezident Peresin İsrailin Qəzzada nə üçün hərbi əməliyyatlara başladığı barədə qızğın izahatına cavab vermək üçün kifayət qədər vaxt ayrılmayıb. Gərginlik Qəzzaya həsr olunmuş sessiyada başlanıb. İsrail prezidenti öz ölkəsinin Qəzza zolağındakı hərbi əməliyyatlarına haqq qazandırmaq istədiyi çıxışı zamanı onun səsi getdikcə ucalır, şəhadət barmağının hərəkərləri artırdı. Elə bu vaxt onunla üzbəüz oturmuş Türkiyə baş naziri əsəbiləşdi. Prezident Peres mənimlə Türkiyənin baş naziri kimi danışmalıdır, daha dəstə və ya tayfa başçısı kimi yox Recep Tayyib Erdoğan, Türkiyənin baş naziri Lakin yığıncaq dayananda o, İsrail prezidentinə yerli-yataqlı cavab üçün ona vaxt verilmədiyinə görə tədbiri nümayişkaranə şəkildə tərk etdi və xəbərdarlıq etdi ki, bir də Davosa ayaq basmaya bilər. Sonradan keçirilən mətbuat konfransında da Erdoğana, necə deyərlər bıçaq vursan, qanı çıxmazdı. Daha sonra BBC-yə danışan Türkiyə baş naziri deyib ki, İsraillə münasibətlərin təsirlənəcəyini istisna etmir. O deyib ki, prezident Peres mənimlə Türkiyənin baş naziri kimi danışmalıdır, daha dəstə və ya tayfa başçısı kimi yox. İndi maraqlıdır ki, adətən səhnə arxasında həlledici danışıqçı olan Türkiyənin İsraillə münasibətləri necə təsirlənəcək. Bu hadisə həm də onu göstərib ki, hətta Davos forumu kimi nəzakətli bir tədbir də Qəzzadakı zorakılıqlara dair dərin ziddiyyətləri gizlədə bilməyib.

SEÇİLMİŞ XƏBƏRLƏR

Çox oxunanlar