AMERİKADAKI YƏHUDİ LOBBİSİ TÜRKİYƏYƏ DƏSTƏYİ KƏSİR

SON XƏBƏRLƏR

AMERİKADAKI YƏHUDİ LOBBİSİ TÜRKİYƏYƏ DƏSTƏYİ KƏSİR

2021.10.20, 07:36

Gunaz.tv

AMERİKADAKI YƏHUDİ LOBBİSİ TÜRKİYƏYƏ DƏSTƏYİ KƏSİR Vaşinqtondan göndərilən mesajda deyilir ki, baş nazir Ərdoğan gözlənilmədən terrora qucaq açıb

Amerikadakı yəhudi lobbisi Türkiyənin İsrailin Qəzzada apardığı hərbi əməliyyatlara göstərdiyi sərt reaksiyaya cavab olaraq bu ölkəyə dəstəyi kəsir. “Hürriyət” qəzetinin xəbərinə görə, ABŞ-ın nüfuzlu yəhudi təşkilatlarından olan “Bnai Brith”in prezidenti Daniel Mariaçkinin adından yayılan bəyanatda deyilir ki, Türkiyədəki yəhudi əleyhdarlığı görünməmiş həddə çatıb. “Həmas”ı dəstəkləyən açıqlamalar, bu terror təşkilatının baş nazir və digər hökumət rəsmiləri tərəfindən qucaqlandığını görmək bizim üçün çox qorxunc sürpriz oldu", - deyə o bildirib. 200 ilə yaxındır dünyada yəhudi düşmənçiliyi ilə mübarizə aparan və bir çox ölkələrdə fəaliyyətləri olan təşkilatın rəhbərinin 2005-ci ildə Rəcəb Tayyib Ərdoğanın Vaşinqtona səfəri zamanı onunla görüşdüyü də bildirilir. Mariaçkin bəyan edib ki, əgər Türkiyə liderləri son vaxtlar artmaqda olan yəhudi əleyhdarlığını aradan qaldırmaq yönündə ciddi addımlar atmasalar bunun nəticəsini görməli olacaqlar. “Bəli, yəhudi düşmənliyi qlobal fenomendir. Lakin bu hadisələrin Türkiyə kimi yəhudi icmasına hörmətlə yanaşan ölkədə meydana gəlməsi bizi çox narahat edir. Türkiyənin dünyada özünəməxsus yeri və mövqeyi var. ”Həmas" terror təşkilatıdır və bu təşkilat BMT üzvü olan İsraili yox etməyi qarşısına məqsəd qoyub. Biz İsrail dövlətinin mövqeyinin tənqid olunmasını normal qarşılayırıq. Lakin Türkiyədən “Həmas”ı dəstəkləyən açıqlamalar bizi qorxudur. Türkiyə nəzərə almalıdır ki, onun özü də terrordan əziyyət çəkib və onun nə dərəcədə dağıdıcı olduğunu yaxşı bilir". Mariaçkin əlavə edib ki, Amerikadakı yəhudi lobbisi həmişə Türkiyəyə dəstək verib. Lakin Türkiyədə yəhudilərin özlərini təhdid altında hiss etdiyi bir vaxtda bu dəstək davam edə bilməz. Ona görə də yəhudi düşmənçiliyinin artmasına görə məsuliyyət daşıyan siyasi liderlər lazım olan addımları atmalıdır. ABŞ-dakı başqa bir yəhudi təşkilatının nümayəndəsi isə adının açıqlanmaması şərti ilə bildirib ki, onlar Türkiyəyə keçmişdə olduğu kimi dəstək vermək niyyətində deyillər. Mənbə Türkiyədəki yəhudi düşmənçiliyinin artmasında baş nazir Ərdoğan və digər hökumət rəsmilərinin açıqlamalarının təsiri olduğunu bildirib: “Yəhudi icması böyük qorxu içərisindədir, bir çoxları Türkiyəni tərk etməyə hazırlaşır”. Digər məlumata görə, ABŞ hökuməti də diplomatik kanallarla Türkiyədəki yəhudi düşmənçiliyinin artması, hökumətin “Həmas”ı müdafiə edən açıqlamaları ilə bağlı narahatlığı rəsmi Ankaraya çatdırıb. Türkiyə İsrailin Qəzzada apardığı əməliyyatlara ən sərt reaksiya verən ölkə idi və bu məsələdə hətta İranı da geridə qoyurdu.

GUNAZ.TV

SON XƏBƏRLƏR