Contact Us

SON XƏBƏRLƏR

Miqrasiya qanunvericiliyi dəyişdirilir

2021.10.20, 07:36
Miqrasiya qanunvericiliyi dəyişdirilir

Gunaz.tv
Miqrasiya qanunvericiliyi dəyişdirilir baki.jpg Ən azı 2 il Azərbaycanda yaşayan əcnəbilər və vətəndaşlığı olmayan şəxslərə immiqrant statusu veriləcək Dünən parlamentin İnsan hüquqları daimi komissiyasının iclası keçirildi. Toplantının gündəliyinə bir məsələ - "İmmiqrasiya haqqında" və "Dövlət rüsumu haqqında" qanunlara əlavə və dəyişikliklər edilməsi barədə" qanun layihəsi daxil edilmişdi. İnsan hüquqları daimi komissiyasının sədri Rəbiyyət Aslanova dedi ki, son illər Azərbaycana gələn insanların, immiqrantların sayı artır. Hazırda Azərbaycanda daimi qeydiyyatda olan 3786 miqrant var. Bundan başqa, ölkəmizdə bir aydan artıq icazəsi olan miqrantların sayı isə 54192 nəfər təşkil edir. "İmmiqrasiya haqqında" qanunun qəbulundan 11 il ötdüyünü xatırladan komissiya sədri sonra həmin qanuna 4-cü maddəsinə - "İmmiqrasiya haqqında vəsatət" maddəsinə təklif olunan əlavə barədə məlumat verdi. Onun sözlərinə görə, maddəyə 8-ci bəndin əlavə olunması təklif edilir. Təklif olunan variantda da qeyd edilir ki, azı 2 il Azərbaycan Respublikasında qanuni əsaslarla yaşayan 18 yaşına çatmış fəaliyyət qabiliyyəti olan əcnəbilər və vətəndaşlığı olmayan şəxslər Azərbaycanda daimi yaşamaq üçün (immiqrant statusu almaq üçün) müvafiq icra hakimiyyəti orqanına vəsatət verə bilər. Rəvan Məmmədli Əcnəbilər və ya vətəndaşlığı olmayan şəxslər vəsatətlərində Azərbaycan Respublikasına immiqrasiyasını əsaslandırmalıdırlar. Daha sonra "Dövlət rüsumu haqqında" qanuna təklif olunan dəyişikliklər barədə məlumat verən Rəbiyyə Aslanova dedi ki, qanunvericilik aktının 14-cü maddəsinin 7, 8 və 9-cu bəndlərinin yeni redaksiyada verilməsi nəzərdə tutulur. Yəni əcnəbilərə və vətəndaşlığı olmayan şəxslərə Azərbaycanda müvəqqəti və ya daimi yaşamaq üçün icazələrin verilməsinə, müddətin uzadılmasına, xarici pasportların, onu əvəz edən sənədlərin qeydə alınmasına və ya qeydə alınması müddətinin uzadılmasına görə 6 manat tələb olunur. Azərbaycanda 16 yaşına çatdıqdan sonra daimi yaşayan əcnəbiyə və ya vətəndaşlığı olmayan şəxsə qeydiyyat vəsiqəsinin verilməsinə görə isə 6 manat, əcnəbilərə və vətəndaşlığı olmayan şəxslərə Azərbaycanda müvəqqəti və ya daimi yaşamaq üçün itirilmiş icazələrin yenidən verilməsinə görə 3 manat rüsum ödənilməsi gərəkdir. Müzakirələrdən sonra qanun layihəsi bütövlükdə parlamentin 2009-cu il yaz sessiyasının plenar iclasına tövsiyə olundu.

SEÇİLMİŞ XƏBƏRLƏR

Çox oxunanlar