Contact Us

SON XƏBƏRLƏR

Erməni təbliğatını neytrallaşdırmaq üçün fəal olmalıyıq

2021.10.20, 07:36
Erməni təbliğatını neytrallaşdırmaq üçün fəal olmalıyıq

Gunaz.tv
"Erməni təbliğatını neytrallaşdırmaq üçün fəal olmalıyıq" erevan.jpg Azərbaycanın İşğal Olunmuş Ərazilərinidəki Tarix və Mədəniyyət Abidələrinin Müdafiə Təşkilatının verdiyi məlumata görə, Ermənistan Rusiya, İran, ABŞ və Fransanın maliyyə təşkilatlarından əldə olunan vəsaitin bir qismini "Şuşi" fonduna yönəldəcək. Bu fondun təşkilatçılığı ilə işğal altında olan Şuşa "erməniləşdiriləcək". Məsələ ilə bağlı fikirlərini öyrəndiyimiz Qarabağ Azadlıq Təşkilatının (QAT) sədri Akif Nağı Ermənistanın 2009-cu ildə də Şuşa şəhərinin ermənilərin dini, mədəni paytaxtına çevrilməsi istiqamətində fəaliyyətini genişləndirəcəyi barədə yayılan xəbərlərin təhlükəli olduğunu söylədi. Tural Onun sözlərinə görə, Qarabağ danışıqlarının getdiyi bir vaxtda ermənilərin təxribatları konfliktin həllini geri atır. QAT sədri onu da vurğuladı ki, ermənilər hər il Qarabağda xərcləmək üçün böyük məbləğdə maliyyə toplayırlar. Bu vəsaitlərdən isə daha çox tarixi saxtalaşdıran kitabların yazılması, işğal olunmuş ərazilərdə yaşayış mənətəqələrinin tikintisi və buraya ermənilərin köçürülməsi üçün istifadə edirlər: "Ermənilərin bu sahədə gördükləri işlər daha çox beynəlxalq aləmdə Azərbaycanı işğalçı ölkə kimi təqdim olunmasına hesablanıb". Akif Nağı deyir ki, xarici təşkilatlardan əldə olunan vəsaitin ermənilərin işğal olunmuş ərazilərə köçürülməsinə yönəldilməsi pis haldır: "Amma ermənilərin belə aktivliyinin qarşısında Azərbaycanın passivlik göstərməsi daha böyük təhlükədir". Azərbaycanın əks-təbliğat işlərini gücləndirilməsini vacib sayan QAT sədri Milli QHT Şurasının yaranmasından sonra ictimai təşkilatlara maliyyə yardımının ayrılmasını təqdirəlayiq sayır. Belə ki, bu vəsaitdən istifadə edən QAT da müəyyən layihələr hazırlayır. Təşkilat artıq Qarabağla bağlı ingilis-rus dillərində kitabların hazırlanması prosesinə başlayıb. Akif Nağıya görə, bu gün Azərbaycanda çoxlu sayda kitablar və broşuralar, müxtəlif internet materialları hazırlanmalıdır ki bu istiqamətdə müəyyən nəticələr əldə edək: "Düzdür, bizdə elə bir mexanizm də yoxdur ki, ermənilərin çirkin fəaliyyətini dayandıraq. Amma onların işlərini neytrallaşdırmaq və kitabların, düşmən təbliğatının saxta olduğunu sübut etmək üçün düşməndən artıq işlər görməliyik".

SEÇİLMİŞ XƏBƏRLƏR

Çox oxunanlar