Contact Us

SON XƏBƏRLƏR

«Ergenekon» işində şok

2021.10.20, 07:36
«Ergenekon» işində şok

Gunaz.tv
«Ergenekon» işində şok lc9k7rwl.gif Təşkilat rəhbərliyində Türkiyə ordusunun iki keçmiş komandanının olduğu iddia edilir «Ergenekon» davasının əsas isimlərindən olan Tuncay Güneyin 2001-ci ildə polisə verdiyi ifadənin ortaya çıxması Türkiyədə şok effekti yaradıb. Ziddiyyətli imici və açıqlamaları ilə gündəmə gələn T.Güneydən ifadəni Mütəşəkkil Cinayətkarlıqla Mübarizə Şöbəsinin rəisi Adil Sərdar Saçan alıb. Qeyd edək ki, T.Güney 1972-ci ildə Çorumda doğulub. Atasını uşaq ikən itirib. Həm general Vəli Kiçik Paşanın, həm də «nurçular»ın lideri Fətullah Gülənin yaxın ətrafında yer alıb. Uzun müddət jurnalistika ilə məşğul olub. STV-nin qurucularından olub. Bu telekanalda apardığı «Doruktakilər» müəllif proqramına baş nazirlər Tansu Çillər və Bülənt Ecevit də qonaq olub. Cinsi oriyentasiyası şübhəlidir, xristianlığı qəbul edib. Hazırda Kanadada keşiş köməkçisidir. T.Güney ifadəsində bildirib ki, Vəli Kiçik Paşa hərbi xunta tipli bir təşkilat qurub: «Bu təşkilatın adı «Ergenekon»dur. Vəli Paşa könüllərdə taxt qurmuş bir insandır. O, Fətullah Güləndən ağıllıdır, sadəcə, dinçi deyil, namaz qılıb qurban kəssə də, yaxşı içəndir. Təpədən-dırnağa türkçü. «Ergenekon»un türk cümhuriyyətlərində, İran, Azərbaycan və Yaxın Şərqdə örgütləri var. Vəli Kiçiyin bütün cangüdənləri polislər idi. O, Tansu Çillərin görüş təklifini rədd etmişdi. «Ergenekon» təkcə dövlətdən deyil, iş adamları və mafiyadan da maddi dəstək alırdı». T.Güneyin şok ifadəsi bununla da yekunlaşmayıb. O, «Ergenekon»un 12 rəhbərindən 9-nun adını açıqlayıb. Onlar aşağıdakılardır: Türkiyə Silahlı Qüvvələri Baş Qərargahının iki keçmiş rəisi, ordu generalları İsmail Hakkı Karadayı və Necip Torumtay, Jandarma Qüvvələrinin keçmiş komandanları Teoman Koman və Rasim Betir, Dəniz Qüvvələrinin sabiq komandanı Güven Erkaya, istefada olan generallar Nejat Müldür, Osman Özbek, Engin Hoş və Vəli Kiçik.

SEÇİLMİŞ XƏBƏRLƏR

Çox oxunanlar