Contact Us

SON XƏBƏRLƏR

Yaxın Şərqdəki münaqişəni Rusiya qızışdırır

2021.10.20, 07:36
Yaxın Şərqdəki münaqişəni Rusiya qızışdırır

Gunaz.tv
“Yaxın Şərqdəki münaqişəni Rusiya qızışdırır” kasparov.jpg Harri Kasparov: «Rusiya və digər neft diktaturaları hazırkı gərginliyin artmasında maraqlıdırlar» Rusiya müxalifətinin liderlərindən biri Harri Kasparov “The Wall Street Journal”a verdiyi müsahibəsində vurğulayıb ki, Rusiya hakimiyyəti Yaxın Şərqdə münaqişənin qızışmasında maraqlıdır. Bununla Rusiya dünya bazarında neftin qiymətinin düşməsinin qarşısını almağa çalışır: “Bəzi dövlətlər hətta yeni-yeni münaqişələr yaratmaqdan belə çəkinməzlər. Təki dünya bazarında neftin qiyməti yenidən qalxmağa başlasın. Bu üzdən Rusiya və digər neft diktaturaları dünyadakı hazırkı gərginliyin artmasında maraqlıdırlar. Iranla Israil arasında açıq müharibə heç şübhəsiz dünya bazarında qiymətləri müəyyən həddə qədər qaldıracaq. Bu isə Putinə yenidən ənənəvi enerji siyasətini yürütməyə, repressiv addımlar atmağa imkan verəcək”. Kasparov deyib ki, əslində Kreml uzun müddətdir, bu regionda qeyri-stabilliyin yaranması istiqamətində addımlar atır və regionda uzun müddətli sülhün əldə olunmasında maraqlı deyil. Kasparov Qərb ölkələrinin liderlərinə məsləhət görür ki, Rusiyaya münasibətdə sualı bu cür qoysunlar: “Putin Yaxın Şərqdəki müharibə təxribatı əməllərindən əl çəkəcəkmi?”. Kasparov təklif edir ki, beynəlxalq münasibətlərdə insan faktoru prioritet olsun: “Putin Rusiyası bir qonşu ölkəyə müdaxilə edib və Avropanın yarısını dondurmaqla hədələyir. Amma Putinə qarşı çıxmaq üçün cəsarət lazımdır. Hələlik Avropa liderləri özlərini elə göstərirlər ki, guya onun köməyinə ehtiyacları var. Qərb liderlərinin və mətbuatının üstünlük verdiyi balanslaşdırılmış və neytral mövqe qatı cinayətlərin üstünün bağlı qalmasıyla nəticələnir”. Kasparovun fikrincə, “Insan həyatına birmənalı münasibət diktatorların azad dünya ilə bazarlığa getməsinin də qarşısını ala bilər”. Xəyal

SEÇİLMİŞ XƏBƏRLƏR

Çox oxunanlar