Ukrayna ölkə ərazisi vasitəsilə təbii qazın tranzitinə dair monitorinqin qaydalarını qeyd-şərtsiz imzalayıb

SON XƏBƏRLƏR

Ukrayna ölkə ərazisi vasitəsilə təbii qazın tranzitinə dair monitorinqin qaydalarını qeyd-şərtsiz imzalayıb

2021.10.20, 07:36

Gunaz.tv

Ukrayna ölkə ərazisi vasitəsilə təbii qazın tranzitinə dair monitorinqin qaydalarını qeyd-şərtsiz imzalayıb

Avropa Komissiyasının Ukraynadakı rəsmi nümayəndəsi məhz bu sənədin yanacağın fasiləsiz nəqli üçün əsas olduğunu bəyan edib Avropa Birliyi qaz nəqlinin bərpası üçün Ukraynanı düzəliş olmadan monitorinqlə bağlı qaydalara yenidən imza atmağa müvəffəq olub. Avropa Komissiyasının Ukraynadakı rəsmi nümayəndəsi məhz bu sənədin yanacağın fasiləsiz nəqli üçün əsas olduğunu bəyan edib. İmzalanma “Qazprom” nümayəndələri ilə Kiyevdəki danışıqlardan sonra baş tutub. Qeyd edək ki, Avropa Birliyinin monitorinq qrupu Rusiya ərazisində müşahidələrini davam etdirir. Monitorinq komissiyasının ilkin rəyi ondan ibarətdir ki, Avropa Komissiyasının ekspertləri, Rusiya və Ukraynanın energetika nazirləri, “Qazprom” və “Naftoqaz”ın nümayəndələri bu sənədə imza atandan sonra Rusiya qazının nəqli bərpa ediləcək. Bu gün Belçikanın paytaxtı Brüsseldə Avropa Birliyinə üzv ölkələrin energetika nazirlərinin təbii qaz problemi ilə bağlı fövqəladə iclası keçiriləcək. Onlar rus qazının bir sıra Avropa ölkələrinə ötürülməsinin dayandırılması ilə bağlı vəziyyəti müzakirə edəcəklər. Nazirlər həmçinin gələcəkdə belə bir çıxılmaz vəziyyətin yaranmasının qarşısını almaq yolları barədə də fikir mübadiləsi aparacaqlar. Eyni zamanda, Avropa Komissiyası və Ukrayna, əvvəlcə razılığın əldə olunduğu xəbər verilən sazişə Rusiyanın yeni etirazlarını müzakirə etməyə razılıq veriblər. Görüşün yekununda Rusiya-Ukrayna qaz mübahisələri barədə ayrıca bəyanatın qəbulu gözlənilir. İclasda Mərkəzi Asiyadan Avropaya çəkiləcək NABUKKO və Baltik dənizi vasitəsilə Rusiyadan Qərbi Avropaya çəkiləcək Şimali Avropa qaz kəməri layihəsinin müzakirəyə çıxarılacağı gözlənilir. Rusiya Ukraynanın sazişə yeni müddəa əlavə etməsini səbəb gətirərək, sazişi qüvvədən düşmüş elan edib. Ukraynadakı vəziyyətlə əlaqədar “Qazprom”un itkisi 800 milyon dollar təşkil edib. Rusiyanin baş naziri Vladimir Putin Arde alman telekanalına müsahibəsində belə deyib. Onun sözlərinə görə, bu günlərdə “Qazprom”un imicinə də zərbə dəyib. Putin əlavə edib ki, Ukrayna nəinki Avropaya qaz nəqlinin dayandırılmasına, o cümlədən Balkan ölkələrində Rusiya elektrik enerjisinin idxalını da təhlükə altında qoyub. Rusiyanın baş naziri Ukraynanın düşdüyü vəziyyəti bu ölkədəki daxili siyasi böhranın nəticəsi adlandırıb. Putin zarafatla bizim “qaz bəyənmək üçün seçimimiz çoxdur” deyərək Avropaya qazın Ukraynadan başqa, digər marşrutlarla da nəql oluna biləcəyinə eyham vurub. “Ukrayna tranzit yolla ötürülən Avropa qazını bazar qiymətindən aşağı verilməsi istəyi ilə bağlamamlıdır. Avropa Birliyi Rusiyaya deyil, Ukraynaya qazın razılaşdırılmış qiymətlərlə ötürülməsi ilə bağlı tələb göndərməlidir. Əgər Ukrayna iqtisadiyyatının buna gücü çatmırsa, onu kredit yolu ilə alsın. Məsələn, Belorus kimi. Biz bu ölkəyə 2 milyard dollar kredit ayırmışıq. Lakin biz Belorusla da müqavilə imzalamışıq ki, 3 il ərzində Avropa qiymətləri tətbiq olunsun”. /ANS PRESS/

GUNAZ.TV

SON XƏBƏRLƏR