İSRAİL QƏZZAYA HÜCUMLARININ SİRRİNİ AÇDI _ Şimon Peres: “Ərəb dövlətləri bizdən ”Həmas”ı yox etməyimizi xahiş edir”

SON XƏBƏRLƏR

İSRAİL QƏZZAYA HÜCUMLARININ SİRRİNİ AÇDI _ Şimon Peres: “Ərəb dövlətləri bizdən ”Həmas”ı yox etməyimizi xahiş edir”

2021.10.20, 07:36

Gunaz.tv

İSRAİL QƏZZAYA HÜCUMLARININ SİRRİNİ AÇDI Şimon Peres: “Ərəb dövlətləri bizdən ”Həmas”ı yox etməyimizi xahiş edir”

Qəzzada qanlı qırğını önləyə bilməyən BMT İsrail və “Həmas”ın Təhlükəsizlik Şurasında qəbul edilmiş atəşkəs qətnaməsinə məhəl qoymamasını “böyük məsuliyyətsizlik” adlandırıb. Təşkilatın nümayəndəsi Con Holmes deyib ki, dərhal atəşkəs əldə edilməsə, Qəzza zolağında daha çox mülki şəxsin, o cümlədən uşaqların həlak olması qaçılmazdır. C.Holmes Fələstin tərəfinin məlumatlarına istinadən deyib ki, Qəzzada ölənlərin sayı 800-ü keçib, 3 mindən çox yaralı var. Lakin Holmes ölənlərin sayının dəqiq sayını müəyyən etməyin mümkün olmadığını deyib. Çünki hərbi əməliyyatlar zonasına beynəlxalq humanitar missiyaların əməkdaşları buraxılmır, döyüş aparan tərəflər isə öz itkiləri haqda məlumat vermir. Bu arada İsrail prezidenti Şimon Peres “La Vanguardia” qəzetinə verdiyi müsahibədə şok açıqlama ilə çıxış edib. Ş.Peres deyib ki, bölgədəki ərəb dövlətlərinin liderləri onlarla özəl danışıqlarda “Həmas”a qarşı aparılan əməliyyatları dəstəkləyir: “Onlar bizdən xahiş edir ki, ”Həmas"ı yox edək. Çünki “Həmas” və “Hizbullah” İranın bölgədəki peykləri olmaqla bərabər ərəb dünyasının ən böyük düşmənləridir. 350 milyonluq ərəb dünyası var. Ancaq on milyonlarla iranlı Orta Şərqdə hökmranlıq etmək istəyir. Bu da ərəblərin xoşuna gəlmir". Ş.Peres İsrailin Qəzza zolağını işğal etmək niyyətində olmadığını deyib. O, bölgədə İsrail əsgərlərinin yüzlərlə azyaşlı uşaq və körpəni qətlə yetirməsinə də haqq qazandıraraq deyib ki, “Həmas” uşaqlardan qalxan düzəldərək onların arxasında gizlənir. Xəbərlərə görə, İsrail aviasiyası ötən gecə də Qəzza zolağını bombalamaqda davam edib. 40-dan çox hədəfin vurulduğu bildirilir. İsrail hərbi komandanlığı 15 “Həmas” yaraqlısının öldürüldüyünü açıqlayıb. Lakin Fələstin tərəfi yenə də ölənlərin əksəriyyətinin dinc sakinlər olduğunu bildirir. Dünən isə İsrail tankları Cəbaliyyə qaçqın düşərgəsini tanklardan atəşə tutub. Nəticədə 8 nəfər həlak olub. İsrail tanklarının qəsəbəyə doğru hərəkət etdiyi haqda xəbərlər yayılırdı.

GUNAZ.TV

SON XƏBƏRLƏR