Britaniya qoşunlarını İraqdan çıxacaq

SON XƏBƏRLƏR

Britaniya qoşunlarını İraqdan çıxacaq

2021.10.20, 07:36

Gunaz.tv

Britaniya qoşunlarını İraqdan çıxacaq

Bəsrədə Britaniya əsgəri Britaniya Müdafiə Nazirliyinin yüksək rütbəli bir rəsmi şəxsi deyib ki, gələn ilin mart ayında Britaniya qoşunları İraqdan çıxarılmağa başlayacaq. Britaniyanın İraqda, Bəsrə zonasında 4 mindən artıq əsgəri qüvvəsi var. Yanvar ayında İraqda seçkilər dinc və əmin-amanlıqla keçsə Britaniya gələn il ərzində öz qoşunlarını bu ölkədən çıxarmağı planlaşdırır. BBC-nin müdafiə məsələləri üzrə müxbiri Kərolayn Vayyat deyir ki, bu Milad bayramı Britaniya qoşunları üçün İraqda qarşılanacaq axırıncı bayram olacaq. Müdafiə Nazirliyindəki mənbələr eyham edirlər ki, Britaniya qoşunlarının İraqdan çoxdan gözlənilən çıxarılması gələn ilin martında başlayacaq, Amerikanın başçılığı altında müdaxilədən 6 il sonra. Baş nazir Qordon Braun (Gordon Brown) bildirib ki, bütün Britaniya əsgərləri gələn ilin ortalarına kimi İraqdan çıxarılmalıdır. İraqın təhlükəsizlik qüvvələrinə təlim keçəcək bir neçə yüz hərbçilər istisna olmaqla Britaniya qoşunlarının çıxarılması Əfqanıstanda kampaniyanın uğurlu olması üçün əlavə helikopterlər və kəşfiyyat sistemlərini yeni yerdə istifadə etməyə imkan verəcək. Bu tədbir həmçinin Əfqanıstanda dalana dirənmiş çoxmillətli missiyanın əsas qayələrini yenidən təftiş etməyə imkan yaradacaq. Müdafiə Nazirliyindəki mənbələrə əsasən, Taliban yeni tipli partladıcı cihazlar icad etməklə tez bir zamanda öz mübarizə taktikasını yeni şəraitə uğunlaşdıra bilib. Bu partladıcı cihazlar hazırda Britaniya qoşunları üçün əsas təhlükə təşkil edir. Amerika yeni ildə Əfqanıstanda yerləşdirilmiş qüvvələri ciddi şəkildə gücləndirməyi planlaşdırır və ümid edir ki, onun NATO üzrə müttəfiqləri onu bu işdə dəstəkləyəcəklər.

GUNAZ.TV

SON XƏBƏRLƏR