İran rejimi yenə Əbülfəz Elçibəyi hədəfə götürüb Azərbaycan torpaqlarının işğalında ermənilərə birmənalı dəstək verən fars rejimi təxribatlarından əl çəkmir Səfir Abbasəli Həsənov növbəti dəfə səhvə yol verdi Dekabrın 3-də Azərbaycanın İrandakı fövqəladə və səlahiyyətli səfiri Abbasəli Həsənov bu ölkənin "Mehr" İnformasiya Agentliyinin rəhbərlərilə görüşüb. Bundan sonra "Mehr"ə müsahibə verən səfir İran Azərbaycan münasibətlərinin inkişaf etməməsindən təəssüfləndiyini bildirib və yaranmış bir sıra anlaşılmazlıqların ortadan qaldırılması üçün hər iki ölkənin kütləvi informasiya vasitələrinin əməkdaşlığını vacib saydığını vurğulayıb. Eyni zamanda Abbasəli Həsənov iki ölkə arasında anlaşılmazlıqların yaranmasına Azərbaycanın keçmiş rəhbərliyinin səriştəsizliyi və Sovet İttifaqının dağılmasından sonrakı hərc-mərclik səbəb olduğunu söyləyib: "Təəssüf ki, o dövrdəki davranışların, hərəkətlərin mənfi təsiri bu günə qədər qalmaqdadır. Turqut Bu isə əlaqələrimizin genişlənməsinə mane olur. Biz başqa ölkələrin daxili işlərinə qarışmamaq barədə öhdəlik götürmüşük. Amma Əbülfəz Elçibəyin püxtələşməmiş hökuməti Cənubi və Şimali Azərbaycanın birləşməsi haqda əsassız şüarlar səsləndirərək Bakı ilə qonşu ölkələr arasında münasibətləri korladı". Səfir Azərbaycan-İsrail münasibətləri ilə bağlı sualı cavablandırarkan qeyd edib ki, Azərbaycanla İsrail arasında əlaqələr Əbülfəz Elçibəy dövründən başlandı. Amma son 17 ildə Azərbaycan öz müstəqilliyinə qovuşandan indiyədək ölkə rəsmilərindən heç kim İsrailə səfər etməyib. Azərbaycanın ABŞ, İsrail və NATO ilə əməkdaşlığından danışarkən səfir vurğulayıb ki, ölkə Konstitusiyasına əsasən, heç bir xarici əsgər Azərbaycana gələ bilməz. Əcnəbilərin Azərbaycanda hərbi baza yaratması Konstitusiyaya ziddir. Qeyd edək ki, Azərbaycan səfirilə müsahibədən çıxarış "Mehr"in internet səhifəsində "Tehranla Bakı arasında anlaşılmazlıqların əsas səbəbkarı Azərbaycandakı səriştəsiz hökumət olub" başlığı altında təqdim olunub. Agentlik müsahibəni oxuculara tam həcmdə yaxın vaxtda çatdıracağını vəd edib. Biz fars agentliyinin səfirin fikirlərini təhrif etdiyini, öz maraqlarına uyğun təqdim etdiyini düşünürük. Təki bizim arzuladığımız kimi olsun. Maraqlıdır ki, Azərbaycanın İran İslam Respublikasındakı fövqəladə və səlahiyyətli səfiri Abbasəli Həsənov müsahibəsində iki öllə arasında yaranmış bir sıra anlaşılmazlıqları ortadan qaldırılması üçün kütləvi informasiya vasitələrinin əməkdaşlığını vacib sayır. Ancaq informasiya agentliyinin müsahibəni tam deyil, İrana sərf edən hissələrlə verməsi rəsmi Tehranın Azərbaycana necə münasibət bəslədiyini göstərir. İrandakı mövcud fars şovinist rejimi heç bir zaman Azərbaycana dini bağlılıqdan irəli gələn müsəlman qardaşı gözüylə baxmayıb. Əksinə SSRİ dağıldıqdan sonra Azərbaycan Respublikasının müstəqillik əldə etməsi İranın yuxusuna haram qatıb. Ermənilərin Azərbaycan torpaqlarını işğal etməsində, Xocalı faciəsinin törədilməsində, Şuşanın işğalında "müslman" fars rejimi birmənalı olaraq qriqoryan erməniləri dəstəkləyib. İranda öz tarixi torpaqlarında 35 milyondan artıq Azərbaycan türkü yaşayır. Məhz buna görə də rəsmi Tehran Azərbaycan torpaqlarının 20 fazini işğal edən Ermənistana hərtərəfli yardım göstərməkdə davam edir. Təəssüf ki, bütün bunlardan xəbərdar olan səfirimiz Azərbaycan Respublikasını güneyli soydaşlarımızın gözündən salacaq açıqlamayla çıxış edir. Əslində bununla fars şovinist rejiminin "quyusuna su tökdüyünün" fərqində deyil. Çünki İran Azərbaycan Respublikasını güneyli soydaşlarımızın gözündən salmaq üçün dəridən-qabıqdan çıxır. Bir də Azərbaycan-İran münasibətlərinin pozulmasında Əbülfəz Elçibəy hakimiyyətinin günahı olmayıb. Bəyəm iki ölkə arasında münasibətlər indi yaxşı səviyyədədir? Bəlkə bir neçə il əvvəl Azərbaycanın hava sərhədlərini pozan, ölkəmiz haqqında müxtəlif hədyanlar danışan İran deyildi? Belə yüzlərlə fakt gətirmək müpmkündür. Hər halda Abbasəli Həsənovun İran mətbuatında Azərbaycanla bağlı təxribat xarakterli yazıların verilməsinə etiraz etməsi daha məqsədəuyğun olardı.