Regionda hakim qüvvəni Azərbaycan müəyyənləşdirəcək

SON XƏBƏRLƏR

Regionda hakim qüvvəni Azərbaycan müəyyənləşdirəcək

2021.10.20, 07:36

Gunaz.tv

"Regionda hakim qüvvəni Azərbaycan müəyyənləşdirəcək" m.ahmedoqli.jpg

Mübariz Əhmədoğlunun sözlərinə görə, bu İlham Əliyevin güclü faktora çevrilməsindən irəli gəlir "Azərbaycan dünyanın ən nüfuzlu dövlətlərindən birinə çevrilib". Siyasi İnnovasiyalar və Texnologiyalar Mərkəzinin rəhbəri Mübariz Əhmədoğlu noyabrda baş verən beynəlxalq və regional ictimai-siyasi proseslərin ümumi yekunları ilə bağlı keçirdiyi mətbuat konfransında belə deyib. "Ermənilər başa düşürlər ki, onlar Azərbaycandan torpaq götürüblər, ona görə də əvəzində nəsə verməlidirlər. Bu səbəbdən də Rusiya, Gürcüstan, İran və Türkiyədən torpaq qopardıb bizə «vermək istəyirlər». Bu cür təklifləri ortaya atanlar onu da bilirlər ki, Azərbaycan hesablaşmalı ciddi bir dövlət olaraq qəbul edilir. Bu da Azərbaycan prezidenti İlham Əliyevin güclü faktora çevrilməsindən irəli gəlir». Cənubi Qafqazın qərbpərəst olub-olamayacağını Azərbaycanın müəyyənləşdirəcəyini deyən politoloq qeyd edib ki, bu barədə Ermənistan spikeri T.Torosyan da bildirib: «Onun fikrincə, Ermənistan siyasəti rusiyapərəst, Gürcüstan isə qərbpərəstdir. Həlledici söz Azərbaycandadır. Regionda hakim qüvvəni Azərbaycan müəyyənləşdirəcək». M.Əhmədoğlu Barak Obamanın ABŞ prezidenti seçilməsinə də münasibət bildirib. Onunu sözlərinə görə, bu hadisədünyada balansın yaranması kimi qəbul edilir. «Onun gətirdiyi iqtisadi komandaya çox böyük inam var. Son 4 gün ərzində ABŞ səhmlərinin artması bunun təsdiqidir. Barak Obamanın gəlişi ilə dünyada ABŞ olan etimad da artıb. Buna görə də, ABŞ-ın Rusiya və İranla münasibətlərində yumşalmağa doğru addımlar atıldığı müşahidə edilir. ABŞ dünya maliyyə böhranıını aradan qaldıırılması istiqamətində aktiv fəaliyyət göstərir». Dağlıq Qarabağ probleminin həlli yolunda aparılan işlərdən danışan M.Əhmədoğlu deyib ki, ABŞ-dakı erməni təşkilatları Moskva bəyannaməsinə resaksiya verdilər. «Onların yazdıqlarına görə Moskva bəyannaməsi guya Serj Sərkisyanın təşəbbüsü imiş. Ən maraqlısı isə odur ki, erməni təşkilatları iddia edir ki, sən demə, avqust hadisələri dövründə Azərbaycan Dağlıq Qarabağla müharibəyə hazırlaşırmış. Bu onu göstərir ki, Ermənistan artıq Dağlıq Qarabağı geri qaytarmağa hazırdır. Hətta bunun üçün orada yaşayan əhalinin 1988-ci ilə olan statistik rəqəmlərinə də müraciət edirlər» -deyə o, bildirib. Türkiyənin Dağlıq Qarabağ münaqişəsinin tənzimlənməsində göstərdiyi fəallığı davam etdirdiyni deyən M.Əhmədoğlu qeyd edib ki, Ermənistan tərəfinin Türkiyə ilə münasibətdə tutduğu mövqe dəyişir. «Bunu nəzərə alaraq demək olar ki, Türkiyənin təşəbbüsü ilə Türkiyə, Ermənistan və Azərbaycan xarici işlər nazirləri və prezidentlərinin görüşləri baş tutmayacaq». ANS PRESS

GUNAZ.TV

SON XƏBƏRLƏR