Contact Us

SON XƏBƏRLƏR

Terri Devis: “Ermənistan Azərbaycanda keçirilən beynəlxalq konfransa qatılmamaqla dialoq imkanından məhrum oldu”

2021.10.20, 07:36
Terri Devis: “Ermənistan Azərbaycanda keçirilən beynəlxalq konfransa qatılmamaqla dialoq imkanından məhrum oldu”

Gunaz.tv
Terri Devis: “Ermənistan Azərbaycanda keçirilən beynəlxalq konfransa qatılmamaqla dialoq imkanından məhrum oldu” medeniyyetlerarasidialoqseminar021208.jpg Bakı. Ülkər Qasımova - APA. “Ermənistanın Avropa Şurasına üzv dövlətlərin mədəniyyət nazirlərinin “Mədəniyyətlərarası dialoq Avropa və onun qonşu regionlarında davamlı inkişafın və sülhün əsasıdır” mövzusunda keçirilən beynəlxalq konfransa qatılmamasına münasibətim yaxşı deyil”. APA-nın məlumatına görə, bu sözləri Avropa Şurasının baş katibi Terri Devis qeyd olunan beynəlxalq konfransdan əvvəl Azərbaycanın mədəniyyət və turizm naziri Əbülfəs Qarayevlə birgə keçirdiyi mətbuat konfransında deyib. Azərbaycan tərəfinin Ermənistanın mədəniyyət nazirini beynəlxalq konfransa dəvət etməsini çox yaxşı hal adlandıran Terri Devis deyib ki, qarşı tərəfin dəvəti qəbul etməsi Ermənistanla Azərbaycan arasında mövcud olan münaqişənin həlinə kömək edə bilərdi: “Bu tədbirin məqsədi dialoq aparmaqdır. Əfsuslar olsun ki, Ermənistan bu dəvəti qəbul etmədiyi üçün, dialoqda iştirak etməyəcək. Ermənistan dəvəti qəbul etməməklə bizimlə görüşdən də məhrum oldu”. Azərbaycanın mədəniyyətlərarası dialoqun qurulmasında son dərəcə mühüm rol oynadığını bildirən Terri Devis ölkəmizin Avropa ilə Mərkəzi Asiya arasında körpü rolu oynadığını deyib: “Dünyanın dialoqa ehtiyacı var, bu konfrans də həmin zərurətdən irəli gəlib. Dağlıq Qarabağ probleminə toxunan Terri Devis münaqişə nəticəsində mülki insanların da ölməsindən narahat olduğunu vurğulayıb: “Münaqişə nəticəsində həm mülki insanların, həm hərbçilərin, həm azərbaycanlıların, həm də ermənilərin həlak olmasına təəssüf edirəm. Münaqişənin nizamlanması ilə bağlı son proseslərdən isə məmnun olduğumu qeyd etməliyəm. Bu, diskussiyalar üçün yaxşı başlanğıcdır”. İşğal altında olan ərazilərdə Azərbaycanın mədəni-tarixi abidələrinin məhv olunmasına münasibət bildirən Terri Devis deyib ki, abidələri milli mənsubiyyətə bölmək lazım deyil: “Onlar ümumi dəyərlərimizdir və onları qorumaq lazımdır”. Terri Devis həmin abidələrin durumunu dəyərləndirəcək missiyanın regiona nə zaman səfər edəcəyinin yəqinləşmədiyini bildirib.

SEÇİLMİŞ XƏBƏRLƏR

Çox oxunanlar