Contact Us

SON XƏBƏRLƏR

Bakıda Avropa Şurası mədəniyyət nazirlərinin konfransı başlayıb

2021.10.20, 07:36
Bakıda Avropa Şurası mədəniyyət nazirlərinin konfransı başlayıb

Gunaz.tv
Bakıda Avropa Şurası mədəniyyət nazirlərinin konfransı başlayıb aspa-nin-azerb.ofisi.jpg Bu gün(2 dekabr) Bakıda Avropa Şurasının “Mədəniyyətlərarası dialoq - Avropa və onun qonşu regionlarında sülhün və davamlı inkişafın əsasıdır” mövzusunda konfrans keçirilir. Lent.az-ın məlumatına görə, Avropa Şurası və Azərbaycan Respublikası tərəfindən təşkil olunan iki günlük konfrans 8 illik fasilədən sonra ilk dəfə olaraq, Bakıda gerçəkləşib. Konfransda Avropa Şurasının Baş katibi, TÜRKSOY, İSESKO, ALEKSO, İRSİKA təşkilatlarının Baş direktorları, Serbiya, Polşa, Xorvatiya, Türkiyə, Rusiya, Gürcüstan, Ukrayna, İspaniya, Almaniya, Rumıniya, Belçika, Bolqarıstan, Belarus, Makedoniya, Moldova, Slovakiya, Estoniya, Kipr, Çexiya, Tacikistan, İordaniya, Səudiyyə Ərəbistanı, Qətər, Misir, Malayziya, Qırğızıstan, Macarıstan, Mərakeş, Niderland və Danimarka dövlətləri nazir və nazir müavinləri, idarə rəhbərləri ilə təmsil olunur. Ümumilikdə tədbirə 10 beynəlxalq təşkilat rəhbər, 16 nazir, 18 nazir müavini qatılıb, 19 ölkəni isə digər yüksək vəzifəli şəxslər təmsil edirlər. Konfransda ilk dəfə olaraq Avropa ölkələrindən başqa, İslam ölkələrinin nazirləri də dəvət olunublar. Konfrans işini sabah da davam etdirəcək. Tədbirin yekununda “Bakı Bəyannaməsi” qəbul olunacaq. Bu bəyannamə nəticəsində tədbirin yekunları Avropa Şurasının sənədlərində “Bakı prosesi” kimi qeyd olunacaq. Qeyd edək ki, Azərbaycanın prezidenti İlham Əliyevin dəstəyi ilə təşkil olunan konfransın keçirilməsində əsas məqsəd həm Avropa Şurasına, həm İSESKO-ya üzv olan yeganə dövlət olmaq imkanından bəhrələnərək Avropa ilə İslam dünyası arasında mədəniyyət körpüsü rolunu oynamaq və iki sivilizasiya arasında mədəniyyətlərarası dialoqun inkişaf etdirilməsini nəzərdə tutan “Bakı prosesi”nin əsasını qoyaraq Azərbaycanın beynəlxalq nüfuzunu daha da gücləndirməkdir. Nigar Məmmədli LENT.AZ

SEÇİLMİŞ XƏBƏRLƏR

Çox oxunanlar