Contact Us

SON XƏBƏRLƏR

QƏRB ƏRDOĞANIN AVTOKRATA ÇEVRİLDİYİNİ DEYİR

2021.10.20, 07:36
QƏRB ƏRDOĞANIN AVTOKRATA ÇEVRİLDİYİNİ DEYİR

Gunaz.tv
QƏRB ƏRDOĞANIN AVTOKRATA ÇEVRİLDİYİNİ DEYİR “Economist” jurnalı: “Türkiyənin baş naziri getdikcə reallıqdan qopmuş siyasətçi təsiri bağışlayır” 398.jpg Britaniyanın nüfuzlu “The Economist” həftəliyi Türkiyənin baş naziri Rəcəb Tayyib Ərdoğan barədə maraqlı məqalə ilə çıxış edib. Məqalədə deyilir ki, ötən ilki parlament seçkilərindən sonra Ərdoğanda narahatlıq doğuracaq şəkildə mənfi meyllər yaranıb. O, get-gedə avtoritarizmə meyllənir və qəribə davranışlar nümayiş etdirir. Jurnal yazır ki, Ərdoğan seçkilərdə səslərin az qala yarısını əldə edərək qələbə qazanandan sonra baş örtüsünü universitetlərə daxil etmək üçün təşəbbüs göstərməklə Silahlı Qüvvələri qəzəbləndirib. Lakin onun addımı partiyasının bağlanmaq təhlükəsi ilə üzləşməsinə səbəb olub: “Baş nazir getdikcə daha çox avtokrat və reallıqdan qopmuş siyasətçi təsiri bağışlayır. Lakin istər öz partiyası daxilində, istərsə də ölkədə və siyasi sistemdə ona qarşı etibar ediləcək müxalifətin olmaması Türkiyənin xaotik halda sürüklənməkdə olan ölkə görüntüsü verməsinə səbəb olur”. Ərdoğanın qəribə davranışları haqda yazan jurnal onun Vaşinqtona bu günlərdə etdiyi səfər zamanı İranın nüvə proqramları ilə bağlı verdiyi açıqlamanı xatırladır. Ərdoğan deyib ki, nüvə silahına malik olanların başqasına “nüvə silahına sahib olmayın” deməyə ixtiyarı yoxdur. Bildirilir ki, Ərdoğanın Türkiyə Silahlı Qüvvələri ilə gizli anlaşma əldə etdiyi haqda xəbərlər də var. Bu xəbərlərə görə, hökumət Silahlı Qüvvələrin nüfuzunu zəiflədəcək islahatları dondurması halında AKP yeni qapanma davası ilə üzləşməyəcək. Məqalədə deyilir ki, AKP hökumətinin islahatları artıq dalana dirənib, ölkədə polis zorakılıqları, işgəncələr artıb, iş o yerə çatıb ki, baş nazir onu tənqid edən qəzetlərin sahibi ilə şəxsi münaqişəyə girib və haqqında tənqidi xəbərlər yazan bəzi jurnalistlərin hökumətdə akkreditasiyasını ləğv etdirib. Ölkədə PKK terrorunun şiddətləndiyi bir vaxtda Ərdoğan və onun hökuməti kürdlərlə həddən artıq yumşaq davranmaqda günahlandırılır, bu isə millətçi qüvvələri gücləndirir. O biri yandan, Ərdoğanın yaxın ətrafı barədə korrupsiya faktları üzə çıxır. Jurnal yazır ki, bütün bunlar Türkiyənin Avropa Birliyi üzvü olmaq perspektivlərinə zərbə vurur. Siyasət şöbəsi musavat

SEÇİLMİŞ XƏBƏRLƏR

Çox oxunanlar