Contact Us

SON XƏBƏRLƏR

”Tabnak” Quzey Azərbaycan Respublikası barədə təxribat xarakterli növbəti yazı dərc edib

2021.10.20, 07:36
”Tabnak” Quzey Azərbaycan Respublikası barədə təxribat xarakterli növbəti yazı dərc edib

Gunaz.tv
”Tabnak” Quzey Azərbaycan Respublikası barədə təxribat xarakterli növbəti yazı dərc edib tabnak-ilham.gif ”Havaya uçmuş arzular” başlıqlı məqalədə prezident İlham Əliyev haqqında yanlış məlumat verilib İran adlanan yerin mətbuatı Quzey Azərbaycan Respublikası, onun rəhbərliyi, rəsmiləri, dövlət qurumları və s. haqqında yalan məlumatlar yaymaqda davav edir.dekabrın 1-də İran İnqilab Keşikçiləri Korpusuna (”Sepah”) yaxın www.tabnak.ir xəbər saytında Quzey Azərbaycan Respublikasının prezidenti İlham Əliyev haqqında yanlış məlumat verilib. ”Havaya uçmuş arzular” başlıqlı məqalədə bildirilir ki, guya Quzey Azərbaycan Respublikasının prezidenti İlham Əliyev öz müsahibələrindən birində deyib ki, onun prezidentliyi dövründə ən böyük fəaliyyətlərindən biri Bütöv Azərbaycan qurmaq istiqamətində qonşu türk dövlətlərilə əməkdaşlığın güclənməsidir. Yazıda həmçinin qeyd olunur ki, Quzey Azərbaycan Respublikasının prezidenti İlham Əliyev GünAZTV-yə müsahibəsində İran adlanan yerin daxili işlərinə müdaxilə edib və mövcud hakimiyyəti sual altına qoyub. Halbuki Quzey Azərbaycan Respublikasının prezidenti İlham Əliyev Güney Azərbaycanın yeganə televiziyası olan GünAzTV-yə müsahibə verməyib. Bu, yalnız xəbər saytının öz uydurmasıdır. Yəqin AzTV ilə GünAzTV-ni səhv salıblar. Eyni zamanda məqalədə Quzey Azərbaycan Respublikası rəsmilərinin Bütöv Azərbaycana istiqamətlənmiş fəaliyyətləri qınanılır və və onlar diqqətli olmağa çağırılır. Yazının sonunda isə Quzey Azərbaycan Respublikasının İran adlanan yerə məxsus olduğu iddia edilir və bildirilir ki, bu ərazilər əvvəllər də onların tərkibində olub. Eyni zamanda ”Gülüstan” və ”Türkmənçay” müqavilələrinin bir neçə il bundan əvvəl vaxtının bitdiyi və Quzey Azərbaycan Respublikası rəsmilərinin iddiaçı ilə müttəhimin yerini səhv saldığı vurğulanır. Xatırladaq ki, İran adlanan yerin rəsmi şəxslərinə bağlı olan mətbu orqanların Quzey Azərbaycan Respublikası haqqında təxribat xarakterli məqalələr dərc etməsi ilk dəfə deyil. İran adlanan yerin rəsmiləri hər zaman daxildə təhlükə hiss edəndə onun kökünü kənarda axtarmağa başlayır. Güney Azərbaycan Milli Hərəkatının gündən-günə genişləndiyini görən fars şovinist rejimi bunun səbəbkarı kimi Quzey Azərbaycan Respublikasını görür. Guya Quzey Azərbaycan Respublikası İran adlanan yerin daxili işlərinə qarışır, Güney Azərbaycan türklərini mövcud rejimə qarşı təhrik edir. Ancaq əslində onlar heç bir xarici qüvvənin təsiri altında olmadan milli mübarizə aparmaq əzmindədir.

SEÇİLMİŞ XƏBƏRLƏR

Çox oxunanlar