Obamanın qələbəsi Azərbaycana nə vəd edir?

SON XƏBƏRLƏR

Obamanın qələbəsi Azərbaycana nə vəd edir? – SORĞU

2021.10.20, 07:36

Gunaz.tv

Obamanın qələbəsi Azərbaycana nə vəd edir? – SORĞU

ABŞ-da keçirilən prezident seçkisində Demokrat Partiyasının namizədi Barak Obama qalib gəlib. Növbəti 4 ildə dünyanın bir nömrəli ölkəsinin başında bu şəxs duracaq. Lent.az partiya sədrləri və politoloqlara “Barak Obamanın prezident seçilməsinin Azərbaycana təsiri necə olacaq” sualını verib. Ümid Partiyasının sədri İqbal Ağazadə deyib ki, Amerika öz vahid siyasətini şəxslər üzərində qurmur: “Hansı namizədin seçilməsindən asılı olmayaraq, Amerikanın Azərbaycana yönəlik hansı siyasəti varsa, onu da gerçəkləşdirəcək. Amma bu gün Barak Obamanın seçilməsi ola bilsin ki, Amerika siyasətində dəyərləri dəyişdirsin, bir az fərqli siyasət yeridilsin, ABŞ-ın imici baxımından yeni mərhələ müəyyənləşdirilsin. O baxımdan da Azərbaycana müəyyən təsirləri ola bilər. Amma mental qaydada, köklü dəyişiklik ola bilməz”. Azərbaycan Xalq Cəbhəsi Partiyasının (AXCP) sədri Əli Kərimlinin sözlərinə görə, Barak Obamanın prezident seçilməsi ABŞ-ın bütün dünyaya nümayiş etdirdiyi böyük demokratiya nümunəsidir: “Təbii ki, Obama ABŞ-ın milli maraqlarından çıxış edəcək. Konkret olaraq bizim bölgədə bundan sonra da Azərbaycanın müstəqilliyi dəstəklənəcək. Azərbaycanla iqtisadi əlaqələr davam etdiriləcək. Azərbaycanda demokratiyaya indiyə qədər olan diqqət artmış olacaq. Bizim üçün müəyyən problem erməni lobbisinin Obama və onun komandasına təsiri ola bilər. Gərək bununla əlaqədar olaraq Azərbaycan və Türkiyə birlikdə iş başlatsınlar. Beləliklə, ABŞ-ın bölgədəki maraqlarının Türkiyə və Azərbaycan kimi önəmli ölkələrlə sıx ittifaqda olduğunu izah etmiş olsunlar. Qeyd olunan məqam istisna olmaqla qalan məsələlərin hər biri prinsipcə Azərbaycan-Amerika münasibətlərinə müsbət təsir göstərəcək”. Polioloq Vəfa Quluzadənin fikrincə, Obamanın prezident seçilməsinin ümumilikdə dünyaya böyk təsiri olacaq: “Obama Buşun yol verdiyi səhvləri düzəldəcək, müsəlman aləmi, ərəb ölkələrilə, Afrika kontingentilə, Latın Amerikası ilə ABŞ-ın əlaqələri daha güclü olacaq, inkişaf edəcək. Dünyada demokratiyanın bərqərar olmasına güclü əhəmiyyət veriləcək. Azərbaycan əhəmiyyətli Qafqaz ölkəsi olduğuna görə, bu ölkəyə diqqət artacaq. Azərbaycan-Amerika əlaqələri daha da inkişaf edəcək, daha da yaxın olacaq. Dağlıq Qarabağ məsələsinə ciddi əhəmiyyət veriləcək. Çünki Amerika maraqlıdır ki, bu məsələ tezliklə beynəlxalq hüquq normaları çərçivəsində həll olunsun. Çünki başqa cür həlli həll deyil və regiona bədbəxtçilikdən başqa heç nə gətirə bilməz. Hesab edirəm ki, Obama olduqca intellektual bir adam kimi bunu gözəl başa düşəcək” Politoloq Rasim Musabəyov bu barədə indidən danışmağın tez olduğunu düşünür: “Mən bilmirəm Obamanın prezidentliyinin Azərbaycana nə təsiri olacaq. Qoy əvvəlcə komandasını formalaşdırsın, sonra bu barədə danışarıq”. Pərvin ABBASOV LENT.AZ

GUNAZ.TV

SON XƏBƏRLƏR