BAXÇALI ƏRDOĞANI KÜRD SEPARATÇILARI İLƏ İŞBİRLİYİNDƏ GÜNAHLANDIRDI

SON XƏBƏRLƏR

BAXÇALI ƏRDOĞANI KÜRD SEPARATÇILARI İLƏ İŞBİRLİYİNDƏ GÜNAHLANDIRDI

2021.10.20, 07:36

Gunaz.tv

BAXÇALI ƏRDOĞANI KÜRD SEPARATÇILARI İLƏ İŞBİRLİYİNDƏ GÜNAHLANDIRDI Türkiyədə müxalifət lideri baş naziri sərt tənqid edib

Türkiyədə Milliyyətçi Hərəkat Partiyasının lideri Dövlət Baxçalı növbəti dəfə AKP iqtidarını və baş nazir Rəcəb Tayyib Ərdoğanı kürd məsələsində sərt tənqid edib. Dünən parlamentdə partiyasının fraksiya üzvləri qarşısında çıxış edən Baxçalı deyib ki, Türkiyədə yaşanan son hadisələr AKP-nin kürd separatçıları ilə əlbir olduğunu təsdiq edib. Onun sözlərinə görə, üzdə PKK-nı dəstəkləyən kürd partiyası ilə AKP arasında gərginlik yaşansa da əslində bu yaxınlaşan bələdiyyə seçkiləri ilə bağlı iki partiya arasında danışılmış oyundur. Baxçalı son günlər AKP və kürdlərin Demokratik Toplum Partiyasının rəhbərləri arasında yemək masası arxasında aparılan gizli danışıqları xatırladaraq deyib ki, belə vəziyyətdə baş nazirin ölkənin cənub-şərqində polis kordunu arxasından separatçılara ünvanlanmış sərt çıxışları ziddiyyətli görünür. “Ərdoğan deyir ki, barışıq əldə olunması üçün silahlar buraxılmalıdır. Bununla da o, DTP-ni PKK ilə hökumət arasında danışıqlarda vasitəçi rolunu oynamağa çağırır. Hökumət İraqın şimalındakı qəbilə rəisləri ilə birbaşa təmaslara keçməklə ilk addımı atıb, sonrakı addım İraqdakı kürd muxtariyyətini rəsmən tanımaq olacaq”. Qeyd edək ki, son günlər Türkiyənin cənub-şərq bölgələrində və digər yerlərində kürd iğtişaşları ara vermir. DTP tərəfindən təşkil olunan bu iğtişaşlar PKK lideri Abdullah Öcalana həbsxanada işgəncə verildiyi haqda iddialardan sonra başlayıb. Baş nazir Ərdoğan isə cənub-şərq bölgələrinə səfəri zamanı güclü etirazlarla qarşılaşıb, hətta PKK-çıların ona sui-qəsd cəhdinin qarşısı son anda alınıb. Siyasət şöbəsi musavat

GUNAZ.TV

SON XƏBƏRLƏR