Bu, Rüstəm İbrahimbəyovdur Bu kəs, artıq neçənci dəfədir ki, Azərbaycan xalqını, müstəqilliyimiz və dövlətçiliyimizi təhqir edir. "Ədalət" qəzeti olaraq biz hər dəfə onun qələtlərinə cavab vermişik. Bu kəs itin, tülkünün, erməninin xoşuna gəlmək üçün (görunur çörəyi onlardan çıxır) Azərbaycan xalqını təhqir eləməkdən çəkinmir. Özü də yekə-yekə deyir ki, mən azərbaycanlıyam. Rober Osseyn (Rustəm Hüseynov) necə azərbaycanlıdırsa, Rüstəm İbrahimbəyov da bir o qədər azərbaycanlıdır. Bu mövzuya qayıdacayıq ki, biləsiniz, bu adamların eyniliyi nədədi. Bu xalqa həmişə yuxarıdan aşağı baxan Rüstəm İbrahimbəyovun şəklini biz də aşağıdan yuxarı çap eləyirik. O bizə necə baxırsa, biz də ona elə baxırıq. Və millət, belə şeyə dilxor olmayın. Bu gündən sonra biz, o Azərbaycan xalqından üzr istəməyənə qədər heç vaxt onun familyasındakı "bəy" titulunu yazmayacağıq, çünki o bəy deyil. Və Rüstəmin menyusuna: Azərbaycanın elitası sən deyilsən. Azərbaycanın elitası Üzeyir Hacıbəyovdu, Hüseyn Caviddi, Səməd Vurğundu, Qaqa Qarayevdi, Rəsul Rzadı, Xudu Məmmədovdu, Mir Cəlal Paşayevdi, Fərəməz Maqsudovdu, Cəlal Allahverdiyevdi, Fərhad Bədəlbəylidi, Sabir Əhmədovdu, İsa Hüseynovdu, İsmayıl Şıxlıdı, Bəxtiyar Vahabzadədi, Məmməd Arazdı, Anardı, Polad Bülbüloğludu... bu siyahını artırmaq olar, özü də yüzlərlə adnan. Və mən, bu siyahıya sənət adamlarının adını saldım, Heydər Əliyev kimi tarixi şəxsiyyətlərin adını salmadım. Azərbaycanı dünyaya tanıtdıran Heydər Əliyevin, bu gün onun siyasi kursunu davam etdirən İlham Əliyevin adını salmadım. Niyə?! Sadəcə olaraq sən bir sənətçi olduğuna görə sənət adamlarının adını saldım. Rüstəm, bu gün Azərbaycanda elə yazıçılar, elə sənət adamları, sənin həzm edə bilmədiyin elə elitar insanlar var ki, sən onların əlinə su tökməyə yaramazsan, olsa-olsa aftafalarını götürə bilərsən, bəlkə heç ona da layiq deyilsən. İnsan boyük yazıçı ola bilər, amma, yazıçılıqdan da, şairlikdən də, bəstəkarlıqdan da böyük olan İNSANLIĞIN ÖZÜDÜR! Səni bu xalq yetişdirib, səni dünyaya bu xalq çıxarıb. Lap səmimi deyək, səni SSR-də Rüstəm İbrahimbəyov eləyən, sənin yazıların olmayıb, Heydər Əliyev olub. Qazandıqlarına görə Heydər Əliyevə borclusan, şöhrətinə görə Heydər Əliyevə borclusan. Ama sən bu gün möhtərəm İlham Əliyevin prezident seçilməyinə də şübhə eləyirsən, daha dəqiq desək, istehza eləyirsən. Halbu ki, sabah bir çətinə düşən kimi, yenə Əliyevlərin əlindən öpəcəksən. Səndən istifadə edənlər sonra səni atacaqlar, onda yenə də bütün günahlarına baxmayaraq sənə bu xalq sahib çıxacaq, sənə möhtərəm İlham Əliyev sahib çıxacaq. Çünki bu xalqın da ürəyi boyükdü, genişdi, onun seçdiyi prezidentin də! Qaldı Bakıyla bağlı dediyinə, sənin dediyin o Bakı köhnə bir kənd idi, indi Avropanın özündənrazı şəhərləriylə döş-döşə cələbiləgək bir şəhərə çevirilib. Bütün bunlar da, Ulu Öndərimiz Heydər Əliyevin və onun varisi İlham Əliyevin apardığı siyasətin, iqtisadi islahatların nəticəsidir. Və təbii ki, Ulu Öndərimizin və onun varisinin sədaqətli əsgəri Hacıbala Abutalıbovun da Bakının gözəlləşməsində, kənddən şəhərə çevrilməsində əməyini qeyd etməmək haqsızlıq olar. Bəzən adamlar darqursaq olurlar, xəbis olurlar. Onlar istəmirlər ki, heç kim onlardan gözəl geyinsin, heç kimin evləri onun evindən yaşxı olmasın. Görünür, baxmısan ki, Bakıda tikilən evlər, Bakıdakı villalar sənin babanın Qubanov küçəsindəki villasından daha gözəldir, daha yaraşıqlıdır. Bu xalq boyük xalqdı, istəyirsən sənə də bir villa tikdirək. Mənim parlamentdə fikrimi bildirməyə vaxt çatmadı, elə böyük təşəbbüs də eləmədim, əlimdə qəzetim var, ürəyimdə nə var yaza bilirəm. Amma mən ürəyimdəkilərin cüzi bir hissəsini yazdım, çünki vaxtı ilə sənin bir müsahibənə çox təhqiramiz bir cavab qaytarmışdım. Söymə mənim rəiyyət dədəmi, söyməyim sənin bəy dədəni. Sənin anladığın dildə, mejduproçim, mən Pənah Xanın nəslindənəm və Bakıya sonradan gələnlərdənəm, yəni sənin qəbul eləmədiklərindən. Sən də kakoy-nibut üç inəyi, səkkiz qoyunu, iki atı və bəlkə də beş donuzu olan, onların da yarısını satıb gedib Tiflisdən bəylik kağızı alan nəsildənsən. Mənə hər hansı bir cavabınızı nöqtə-vergülünə dəymədən çap edə bilərəm. adalet