FLARMONİYADA MÜSLÜM MOQAMAYEVLƏ VİDA MƏRASİMİNƏ HAZIRLIQ GÖRÜLÜR

SON XƏBƏRLƏR

FLARMONİYADA MÜSLÜM MOQAMAYEVLƏ VİDA MƏRASİMİNƏ HAZIRLIQ GÖRÜLÜR

2021.10.20, 07:36

Gunaz.tv

FLARMONİYADA MÜSLÜM MOQAMAYEVLƏ VİDA MƏRASİMİNƏ HAZIRLIQ GÖRÜLÜR

Müslüm Maqomayev adına Azərbaycan Dövlət Flarmoniyasında üç gün əvvəl dünyasını dəyişmiş müğənni Müslüm Moqamayevlə vida mərasiminə hazırlıq işləri gedir. Flarmoniyanın mətbuat katibi Natavan Osmanlının «Media forum» saytına bildirdiyinə görə, hazırlq əsasən tərtibatla bağlıdır: «Səhnənin, zalın, foyenin tərtibatı və texniki təchizatı məsələləri həll olunur. Yəqin ki, sabaha hər şey hazır olacaq». Vida mərasimi üçün əklil gətirən təşkilatların kollektivləri saat 8-dən içəri keçə biləcək. Bundan sonra saat 15-ə kimi isə açıq qapı elan olunacaq, istənilən şəxsin vida mərasimində iştirakına şərait yaradılacaq. Saat 15-də mərhumun cənazəsi Fəxri xiyabana aparılacaq. Dəfn mərasimində Azərbaycandan rəsmi şəxslərin, eyni zamanda Pusiyadan mötəbər qonaqların iştirakı gözlənir. N.Osmanlı ərazidə təhlükəsizlik tədbirləri görüləcəyini də deyib: «Ümumiyyətlə belə tədbirlərdə həmişə təhlükəsizlik tədbirləri görülür. Şəhərin mərkəzi küçəsi olduğuna görə yolun bağlanması nəzərdə tutulub». Azərbaycan bəstəkarlıq məktəbinin banilərindən olan Müslüm Maqomayevin nəvəsi Müslüm Məhəmməd oğlu Maqomayev 1942-ci il avqust ayının 17-də Bakıda anadan olub. 1949-cu ildə Azərbaycan Dövlət Konservatoriyası nəzdindəki musiqi məktəbində oxumağa başlayıb. 1962-ci ildə Helsinki şəhərində Gənclərin və Tələbələrin VIII Ümumdünya Festivalındakı uğurlu çıxışı Müslümə şöhrət gətirib və onun ifaçılıq sənətini təkmilləşdirmək məqsədilə dövlət tərəfindən «La Skala» teatrına göndərilməsi ilə nəticələnib. 1968-ci ildə Azərbaycan Dövlət Konservatoriyasını SSRİ xalq artisti Şövkət Məmmədovanın sinfi üzrə bitirib. Əmək fəaliyyətinə 1962-ci ildə Azərbaycan Dövlət Opera və Balet Teatrında başlayıb və ömrünün axırına qədər həmin teatrın solisti olub. 1975-ci ildə Azərbaycan Dövlət Estrada-Simfonik Orkestrini yaradıb və uzun müddət ona rəhbərlik edib. 1969-cu ildə Sopot festivalında birinci mükafata, Kann festivalında «Qızıl val» mükafatına layiq görülüb. 31 yaşında SSRİ xalq artisti fəxri adını alıb. Azərbaycanın müstəqilliyi dövründə ali dövlət mükafatları – «Şöhrət» və «İstiqlal» ordenləri ilə təltif edilib. Azərbaycanın xalq artistidir. M.Maqomayevin repertuarında 600-dən çox əsər olub. O, bir sıra bədii və sənədli filmlərdə çəkilib. 30-a yaxın mahnının müəllifidir. 1997-ci ildə Günəş sisteminin kiçik planetlərindən birinə onun adı verilib. 2008-ci il oktyabrın 25-də Moskva şəhərində vəfat edib. «Media forum»

GUNAZ.TV

SON XƏBƏRLƏR