Contact Us

SON XƏBƏRLƏR

HƏR GÜRCÜYƏ 700 DOLLAR

2021.10.20, 07:36
HƏR GÜRCÜYƏ 700 DOLLAR

Gunaz.tv
HƏR GÜRCÜYƏ 700 DOLLAR Qərb Rusiyanın təcavüzünün nəticələrini aradan qaldırmaq üçün ölkəyə 4 milyard 550 milyon dollar ayıracaq 4531.jpg Brüsseldə bir sıra Qərb ölkələrinin və beynəlxalq təşkilatların konfransında Gürcüstana rekord məbləğdə yardım ayrılması razılaşdırlıb. 35 ölkənin və 15 beynəlxalaq təşkilatın nümayəndələrinin iştirak etdiyi donorlar konfransında qərara alınıb ki, Rusiyanın hərbi təcavüzünün nəticələrini aradan qaldırmaq üçün Gürcüstana 4 milyard 550 milyon dollar ayrılsın. Məlumatı konfransı təşkil edən Avropa Birliyinin xarici işlər üzrə komissarı Benita Ferrero Valdner verib. BMT və Dünya Bankının hesablamalarına görə, bu ilin avqust ayında Rusiyayla müharibədən sonra Gürcüstana dəymiş ziyanı aradan qaldırmaq üçün 3 milyard dollardan artıq vəsait lazımdır. Konfransda isə bundan daha artıq vəsaitin ayrılması razılaşdırılıb. Vəsait növbəti 3 ildə infrastrukturun və iqtisadiyyatın bərpası üçün sərf olunacaq. Avropa Komissiyasının prezidenti Joze Manuel Barroso deyib ki, Gürcüstana yardım mənəvi borcdur, eyni zamanda Qərbə əsas enerji marşrutu kimi Avropa Birliyi Gürcüstanda maraqlıdır. Bildirilir ki, konfrans zamanı donorlar Rusiyanın bu ilin avqust ayında apardığı 5 günlük müharibə zamanı Gürcüstan yaşayış məntəqələrinin dağılması və infrastrukturun məhv edilməsi haqda gürcü və Amerika KİV-lərində gedən xəbərlərə əsasən yardımın həcmini müəyyən ediblər. Konfransda iştirak edən Gürcüstan xarici işlər naziri Eka Tkeşelaşvili bildirib ki, ölkəyə vəd ediləndən daha çox yardım ayrılması Avropa Birliyinin Gürcüstanla yaxınlaşmaq maraqlarından xəbər verir. Onun sözlərinə görə, Avropa nümayiş etdirir ki, Gürcüstan onun bir hissəsidir və bunu Rusiya bilməlidir. Nazir deyib ki, ayrılan yardımlar şəffaf şəkildə xərclənəcək, cəmiyyət bu yardımların hara sərf olunduğu haqda məlumat alacaq. Xatırladaq ki, artıq Avropa Birliyi Gürcüstanda dağıdılmış infrastrukturun bərpası üçün 500 milyon avro ayırıb. ABŞ isə Gürcüstana ayırdığı 1 milyard dollarlıq yardımın 250 milyon dollarlıq hissəsinin verilməsinə başlayıb. Dövlət Departamenti 1 milyard dolların Gürcüstana 2 il ərzində veriləcəyini açıqlayıb. Bu vəsait infrastrukturun bərpasına, iqtisadiyyatın inkişafına və investorların inamının qaytarılmasına sərf olunacaq. Qeyd edək ki, xarici donorların ayırdığı yardımlardan hər gürcüyə orta hesabla 700 dollar düşür. Xəbər xidməti musavat

SEÇİLMİŞ XƏBƏRLƏR

Çox oxunanlar