Ramil Səfərov şənbədən-şənbəyə Bakıya zəng edir

SON XƏBƏRLƏR

Ramil Səfərov şənbədən-şənbəyə Bakıya zəng edir

2021.10.20, 07:36

Gunaz.tv

Ramil Səfərov şənbədən-şənbəyə Bakıya zəng edir "Bir dəfə soruşursan ki, neynirsən. Cavab verir ki, kurortda deyiləm"

Macarıstanda erməni zabiti Qurqen Markaryanı qətlə yetirməkdə günahlandırılaraq ömrlük həbs cəzası almış Azərbaycan Silahlı Qüvvələrinin zabiti Ramil Səfərovun vəziyyəti normaldır. Zabitimiz mütəmadi olaraq ailəsi ilə telefon əlaqəsi saxlayır. Bu barədə "Şərq"ə məlumat verən R.Səfərovun atası Sahib Səfərov bildirib ki, zabitimiz şənbədən şənbəyə zəng edir: "Vəziyyəti haqqında da normal demək olar. Ramil adama söz deyəndi ki? Bir dəfə soruşursan ki, neynirsən. Cavab verir ki, kurortda deyiləm, həbsxanada adamın vəziyyəti necə olursa, eləyəm. Ondan sonra daha halını o formada soruşmuruq. Sadəcə olaraq özü bizimlə danışanda, qohum-əqrabayla, Azərbaycanla maraqlanır, vəssalam". R.Səfərovun hüquqları ilə bağlı məşğul olan koordinasiya şurasının fəaliyyətsizliyindən şikayətlənən S.Səfərov şura üzvlərinin də onlarla telefonla əlaqə saxladığını diqqətə çatdırıb: "Kimdi e, bizlə maraqlanan? Hərənin öz işi, gücü var. Onlara Ramilin ailəsi lazımdı? Əvvəllər deyirdilər ki, prezident seçkiləridir, baş qarışıqdır. İndi seçkilər də bitdi. Gözləyək ki, bundan sonra necə olacaq, hansı addımlar atılacaq. Yenə sağ olsun millət vəkilləri Zahid Oruc, Azay Quliyev, Qənirə xanım (millət vəkili Qənirə Paşayeva-red.) hərdən zəng eləyib hal-əhval tuturlar. Onları da qınamıram. Nə etməlidirlər ki? Artıq Ramilin vəkili də yoxdu, məhkəmə bitdi, iş verildi. Macarıstanın ali məhkəməsinə də yenidən kassasiya şikayəti verilmədi. Nə bilim, hələ ki, onun azadlığa çıxması, və yaxud da işinin yüngülləşdirilməsi ilə bağlı hər hansı yenilik yoxdur. Ümidimizi yalnız Allaha bağlamışıq". Azərbaycan mətbuatında və ictimaiyyətində Ramil Səfərovun vəziyyətinin qənaətbəxşliyi ilə bağlı informasiyaların zabitin xeyrinə olmadığını deyən S.Səfərovun sözlərinə görə, belə məlumatlardan sonra ermənilər macarların üstünə hücum çəkirlər: "Biz burda deyəndə ki, Ramil yaxşıdır, bu ermənilərdə qıcıq yaradır. Dərhal düşürlər macarların üstünə ki, Ramil Səfərov sanatoriyadadır yoxsa həbsxanadadır. Macarıstanda mənə deyirlər ki, ölkənizin mətbuatına belə demə. İndi qəzetdən soruşanda, mən nə deyim? Deyim ki, vəziyyəti pisdir? Belə də olmur axı. Bununla da Ramil qətiyyən razılaşmır. Həm də ki, ortada qürur məsələsi var. Bir sözlə yuxarı baxırsan bığ, aşağı baxırsan saqqal. Məsələ burasındadır ki, ermənilər danışmırlar, iş görürlər. Biz isə çox danışırıq, amma heç bir fəaliyyətimiz yoxdur". Anar sherg

GUNAZ.TV

SON XƏBƏRLƏR