Contact Us

SON XƏBƏRLƏR

TÜRKİYƏNİN TƏBRİZDƏKİ BAŞ KONSULU: «TƏBRİZ ƏHALİSİ ÇOX İSTİQANLI və SƏMİMİDİR»

2021.10.20, 07:36
TÜRKİYƏNİN TƏBRİZDƏKİ BAŞ KONSULU: «TƏBRİZ ƏHALİSİ ÇOX İSTİQANLI və SƏMİMİDİR»

Gunaz.tv
TÜRKİYƏNİN TƏBRİZDƏKİ BAŞ KONSULU: «TƏBRİZ ƏHALİSİ ÇOX İSTİQANLI və SƏMİMİDİR» ostandarvebashkonsul_1.jpg Oktyabrın 23-də İranın Şərqi Azərbaycan əyalətinin ostandarı Əhməd Əlirzabəyli Türkiyənin Təbrizdəki baş konsulu Bilgin Atalayı qəbul edib. «Media forum» saytının məlumatına görə, görüşdə ostandar Türkiyə ilə hərtərəfli əlaqələrin genişləndirilməsi tərəfdarı olduğunu vurğulayıb: «Bizim ölkələr arasında çox qədimdən siyasi, iqtisadi və mədəni münasibətlər mövcuddur. Oxşar cəhətlərimiz də çoxdur. Biz ölkə prezidentinin tapşırığı ilə Türkiyə ilə münasibətləri genişləndirmək istəyirik. Bu gün bizim aramızda olan ticarət mübadilələrinin həcmi 8 milyard dollar həcmindədir və ümid edirik ki, ilin sonuna qədər bu rəqəm 10 milyard dollar həcminə çatacaq». Baş konsul B.Atalay isə təbrizlilərin istiqanlılığından və səmimiliyindən razı qaldığını vurğulayaraq hazırkı əlaqələrin genişləndirilməsini vacib sayıb: «Təbriz əhalisi çox istiqanlı və səmimidir. Mən bu əyalətdə olduğumdan sevinc hissi duyuram. Mən sərhədyanı bazarların salınmasına və fəaliyyət göstərməsinə böyük əhəmiyyət verirəm. Biz istər turizm sahəsində, istər də iqtisadi və mədəni sahələrdə münasibətlərimizi genişləndirməliyik. İran Teleradio Şirkəti sədrinin Türkiyəyə səfəri və bir sıra televiziya verilişlərinin mübadiləsi xüsusunda Türkiyə rəsmiləri ilə imzaladığı müqavilə də böyük önəm daşıyır. «Şəhriyar» teleserialının Türkiyədə yayımlanası da həmin razılaşmaların nəicəsidir». «Media forum»

SEÇİLMİŞ XƏBƏRLƏR

Çox oxunanlar