Tehrandakı Evin həbsxanasında cəza çəkən jurnalist aclıq aksiyasını dayandırıb

SON XƏBƏRLƏR

Tehrandakı Evin həbsxanasında cəza çəkən jurnalist aclıq aksiyasını dayandırıb

2021.10.20, 07:36

Gunaz.tv

Tehrandakı Evin həbsxanasında cəza çəkən jurnalist aclıq aksiyasını dayandırıb

Oktyabrın 5-də Tehran şəhərindəki Evin həbsxanasının 350-ci korpusunda clığa başlayan jurnalist Məhəmməd Həsən Fələhizadə aksiyanı dayandırıb. “Sərhədsiz Reportyorlar” beynəlxalq mətbuat azadlığı təşkilatının yaydığı məlumata görə, jurnalist dünya ictimaiyyətinin diqqətini özünə cəlb etmək üçün belə bir addım atmaq məcburiyyətində qalıb. O, aclıq aksiyasını oktyabrın 19-da dayandırmaq qərarına gəlib. Jurnalistin vəkillərindən biri olan Əbdülfəttah Sultani ona baş çəkdiyini və sağlamlıq durumunun yaxşı olduğunu bildirib. Qeyd edək ki, “Əl-Aləm” teleradiosunun ərəb dili xidmətinin əməkdaşı olan Məhəmməd Həsən Fələhizadə 2006-cı ilin noyabrında həbs olunub. 2007-ci ilin aprelin 29-da isə jurnalist casusluqda günahlandırılaraq üç il müddətinə azadlıqdan məhrum edilib. Məhkəmə belə bir ədalətsiz qərarı onu heç bir vəkillə təmin etmədən bağlı qapılar arxasında çıxarıb. Hazırda journalist talassemiya xəstəliyindən əziyyət çəkir. Onun həyat yoldaşı Hürrəmşəhrdə, paytaxtdan min kilometr aralıda yaşayır və üç yaşlı oğlu ilə birlikdə ona baş çəkə bilmir. “Sərhədsiz Reportyorlar” xəbər verir ki, Mahabad İnqilab Məhkəməsi oktyabrın 15-də kürd jurnalist Məsud Kurdpuru “xarici mətbuata müsahibələrdə rejimə qarşı aşkarlıq düşmənçilik” nümayiş etdirməkdə günahlandıraraq bir il azadlıqdan məhrum edib. Hazırda 9 jurnalist və bir dissident jurnalist İranın müxtəlif həbsanalarında saxlanılır. Rəsmi Tehran hələ də Yaxın Şərqin jurnalistlər üçün ən bşyük həbsxanası olaraq qalmaqdadır. Evin həbsxanası isə journalist, hüquq müdafiəçisi Emadoldin Baghinin azadlığa buraxılmasına baxmayaraq yenə də Yaxın Şərqin jurnalistlər üçün ən böyük zindanıdır. İndi həbsxananın 209-cu korpusunda 2007-ci il sentyabrın 23-dən nəşrinə qadağa qoyulmuş “Dilmanc” jurnalının təsisçisi və baş redaktoru Əlirza Sərrafi, İranda öz tarixi torpaqlarında yaşayan Azərbaycan türklərinin aparıcı dərgisi olan “Əbədi Yaşamaq” dərgisinin redaktoru Səid Muğanlı (Məhəmmədi) və “Varlıq” jurnalının yazarı Həsən Raşidi saxlanılmaqdadır. Bu il sentyabrın 10-da həbs olunmuş azərbaycanlı jurnalistlərə ilk dəfə oktyabrın 13-də ailələri ilə görüşmək imkanı verilib. Onlar zindanda xeyli çəki itiriblər. Bundan əlavə, Evin həbsxanasında 2004-cü ildə qapadılmış “Payam-e-Mardom” həftəlik jurnalının sabiq redaktoru, kürd jurnalist Məhəmməd Sadiq Xudavənd cəza çəkməkdədir. O, 2007-ci ilin iyulunda həbs olunub, 16 aydır həmin zindandadır. Eyni zamanda Sənəndəc həbsxanasında Ədnan Həsənpur saxlanılır. Onu barəsində çıxarılmış edam hokum ləğv olunduğundan yeni məhkəmə gözləyir. Nəhayət, Xavə Cavanmərd də Sənəndəc zindanında saxlanılmaqdadır.

GUNAZ.TV

SON XƏBƏRLƏR