ATƏT Minsk Qrupundan imtina etmək düzgün olmaz

SON XƏBƏRLƏR

ATƏT Minsk Qrupundan imtina etmək düzgün olmaz

2021.10.20, 07:36

Gunaz.tv

Rusiyanın Azərbaycandakı fövqəladə və səlahiyyətli səfiri V.İstratov bu gün keçirdiyi mətbuat konfransında Dağlıq Qarabağ problemi, rus sülhməramlılarının münaqişə bölgəsində yerləşdirilmə ehtimalı, Qafqaz regionundakı vəziyyət və Azərbaycan-Rusiya münasibətlərindən danışıb Bu gün Rusiyanın Azərbaycandakı fövqəladə və səlahiyyətli səfiri Vasili İstratov ənənəvi mətbuat konfransı keçirib. O, prezident seçkilərini qələbə ilə başa vurması münasibəti ilə İlham Əliyevi və Azərbaycan xalqını təbrik edib. Ölkəmizdə keçirilən seçkilərə münasibət bildirən V.İstratov deyib ki, MDB ölkələrinin müşahidə missiyası ilə görüşüb və onlar bildirib ki, Azərbaycanda keçirilən seçkilər, demokratik, şəffaf və ədalətli olub. Jurnalistlərin suallarını cavablandıran səfir Dağlıq Qarabağ probleminin həlli ilə bağlı Moskvada keçiriləcək görüş haqda məlumat verib. «Bu görüş baş tutacaq, bu haqda Rusiya dövlət başçısının dəvəti Azərbaycan prezidenti İlham Əliyevə çatdılıb. İ.Əliyevin bu dəvəti qəbul edib-etməvəsi haqda məlumatım yoxdur. Amma bu görüşün nə vaxt həyata keçiriləcəyindən xəbərsizəm». Rusiya sülhməramlılarının Dağlıq Qarabağ ərazisində yerləşdirlməsi barədə yayılan xəbərlərə münasibət bildirən səfir bildirib ki, məsələ hələ gündəmdə deyil. "Rusiya sülhməramlılarının bölgədə yerləşdirilməsi ilə bağlı demişəm ki, onda, ümumiyyətlə, bu ideya haqda heç bir məlumat yoxdur. Çünki bura Azərbaycan ərazisidir və o tanınımalıdır». Rusiyanın və Türkiyənin Qafqaz regionunda sön zamanlar aktivliyinə münasibət bildirən Vasili İstratov qeyd edib ki, hər iki ölkə region ölkəsidir, ona görə də bu fəallıq normal qəbul edilməlidir. Səfir Azərbaycan-Rusiya iqtisadi münasibətlərinə də toxunub. O bildirib ki, ölkələrimiz arasında ticarət gedir, lakin qoyulan investisiyalarla bağlı vəziyyət çox pisdir. «Burada əsas problem - iki ölkə arasında investisiyaların təşkili və mühafizəsi barədə müqavilənin olmamasıdır. Ancaq mən hesab edirəm ki, bu məsələ həll olunduqdan sonra müəyyən olacaq ki, iki ölkə arasındakı investisiyaların həcmi olduqca böyükdür. Sənədin bağlanmaması isə müddəalardakı kiçik texniki problemlə bağlıdır». Səfir ATƏT-in Minsk qrupunun fəaliyyətinə də münasibət bildirib. «Minsk Qrupu öz formatını hələ itirməyib, Ermənistan və Azərbaybcan arasında münaqişəni həll etmək üçün olan formatlardan ən münasibidir. Bu format 15 ildir mövcuddur, müəyyən təcrübə əldə olunub və bu təcrübədən istifadə etməmək düzgün olmazdı. Minsk Qrupundan imtina etməyə əsas yoxdur»-, deyəRusiyanın Azərbaycandakı fövqəladə və səlahiyyətli səfiri bildirib. /ANS PRESS/

GUNAZ.TV

SON XƏBƏRLƏR