Contact Us

SON XƏBƏRLƏR

“ERGENEKON”un “BEYNİ” RUSİYADA İMİŞ? . Gizli qruplaşmanın işini aparan prokurorlar absurd iddialar səsləndiriblər

2021.10.20, 07:36
“ERGENEKON”un “BEYNİ” RUSİYADA İMİŞ? . Gizli qruplaşmanın işini aparan prokurorlar absurd iddialar səsləndiriblər

Gunaz.tv
“ERGENEKON”un “BEYNİ” RUSİYADA İMİŞ? Gizli qruplaşmanın işini aparan prokurorlar absurd iddialar səsləndiriblər 401.jpg Türkiyədə hazırda məhkəməsi gedən “Ergenekon”la bağlı prokurorların hazırladığı iddianamədə bir sıra absurd ittiham və iddiaların yer aldığı haqda yazmışdıq. Rusiya mətbuatı “Ergenekon”la bağlı daha bir maraqlı məqama yer verib. “Kommersant” qəzetinin yazdığına görə, “Ergenekon” prokurorları gizli terror təşkilatı kimi təqdim edilən bu qruplaşmanın əsas ideoloqunun Rusiyada olduğunu iddia edirlər. Bildirilir ki, Rusiyada Avrasiya Siyasi Hərəkatı adlı qeyri-hökumət təşkilatının rəhbəri, politoloq kimi fəaliyyət göstərən Aleksandr Duqin “Ergenekon”un “beyni”dir. Qəzetin yazdığına görə, “Ergenekon” prokurorları Duqinin Türkiyədə AKP iqtidarının zorla devrilməsinə yönələn planların ideoloqu olub. İddianamədə deyilir ki, iş üzrə şübhəli şəxslərin Rusiya ilə yaxın əlaqələri olub. Belə ki, İşçi Partiyasının rəhbəri Doğu Perinçək dəfələrlə bu ölkəyə gedib-gəlib, İstanbul Universitetinin keçmiş rektoru Kamal Ələmdaroğlu isə Moskva Dövlət Universiteti ilə əməkdaşlıq edir, hazırda axtarışda olan jandarma kəşfiyyatının keçmiş rəhbəri, general Levent Ersöz isə Rusiyaya qaçaraq izini itirib. İddia edilir ki, Rusiya kəşfiyyatı Duqin vasitəsilə Türkiyədəki proseslərə təsir göstərməyə çalışıb. Bu iddiaları şərh edən Duqin deyib ki, “Ergenekon” işi üzrə həbs edilənlərin əsas günahı Türkiyənin ABŞ-la müttəfiqlikdən uzaqlaşıb Rusiya ilə işbirliyinə getməsinə çalışmaqdır. Ona görə də NATO tərəfdarı qüvvələr hərəkətə keçərək bəzi Şərqi Avropa ölkələrində olduğu kimi bu şəxsləri zərərsizləşdirməyə çalışır. Qeyd edək ki, Duqin özü Rusiyada o qədər də ciddi qəbul edilməyən fiqurdur. Vaxtilə o, Rusiyada islamşünas Heydər Camalla birlikdə “Pamyat” adlı antikomunist təşkilatının üzvü olub. Lakin sonradan o, Rusiyada yenidən güclənməyə başlayan neobolşevik cərəyanının önündə gedib. Millətçi Bolşevik Partiyasının rəhbərliyində yer alıb, hazırda MDU-da müəllim işləyir. Duqin dəfələrlə avantürist ideyalarla və şərhlərlə çıxış edib. Bu baxımdan “Ergenekon” prokurorlarının onu barəsində qorxulu imic formalaşdırılan və “dərin dövlət” hesab edilən qruplaşmanın “düşünən beyni” olaraq göstərməsi işin nə dərəcədə qurama ola biləcəyinə dəlalət edir. F.MƏMMƏDOV musavat

SEÇİLMİŞ XƏBƏRLƏR

Çox oxunanlar