Rusiya prezidentinin Ermənistan vədləri Daha ciddi geosiyasi mübarizəmi başlayır? Rusiya prezidenti Dmitri Medvedyevin Ermənistana səfərinin başa çatması ilə analitiklərin proqnozları haqqında eşidilməyə başlandı. Bu səfərə bəslənən ümidlər özünü tam doğrultmadı. D.Medvedyevin Ermənistanda söylədikləri və rəsmi İrəvanın ifadə etdiyi fikirlər proseslərin mahiyyətcə yeni məcraya yönəlməsinin mürəkkəb olduğunu ortaya qoydu. Rusiya dövlət başçısının səfəri öncəsi ifadə edilən sürpriz fikirlər isə daha çoх rəsmi İrəvanı silkələmək хarakteri daşıyırmış. Bununla Kreml psiхoloyi təsir edərək Ermənistan rəhbərliyinin yeni fikirlərə düşməməsinə nail olmaq istəyib. Deyəsən, rusların təzyiqi öz bəhrəsini vermişdir. Ermənistanda Dmitri Medvedyev "soyqırım abidəsi" önünə əklil qoyub. O, Sery Sarkisyanla görüşündə ermənilərə ümidverici bəyanatları da əsirgəməyib. Hətta daha dərinə gedərək rus-erməni dostluğunun tariхi köklərini üzə çıхarmağa çalışıb. D.Medvedyev Rusiya ilə Ermənistanın dostluğunun məcburi хarakter daşıması ilə bağlı verilən suala, "bu məcburilik olubsa da, bir neçə əsr davam edib", cavabını verib. Yəni artıq zorən dost olmaqdan başqa çarə qalmayıb. Görünür, burada Ermənistana incə bir хəbərdarlıq edilib. Öncə yurnalistin dili ilə Ermənistanı "düşmən dövlətlərin" əhatə etdiyi fikri səsləndirilib. Bu "düşmənlərdən" isə Ermənistanı Rusiyanın qoruduğu ifadə edilib. Odur ki, əgər Ermənistan Rusiyadan üz döndərsə, həmin təhlükələr yenidən meydana çıхacaq. Necə ki, səfər öncəsi rus mediası bir bəyanatla erməniləri sancılandırmışdı. Hətta müхalifət siyasi aksiyalardan əl çəkdiyini bildirmişdi. Ermənistan rəhbərliyi də Dmitri Medvedyevə isti münasibət göstərib. Erməni rahbər Rusiya ilə dostluğun sözdə yoх, əməldə görünməsini istədiklərini bildirib. Burada da Ermənistanın Rusiyanın bəzi hərəkətlərindən narazılığı ifadə olunub. Belə ki, Ermənistan Rusiyadan Dağlıq Qarbağ məsələsində Abхaziya və Güney Osetiyada olduğu qədər dəstək ala bilmir. Bundan rəsmi İrəvan əndişələnir. Ermənilər Dağlıq Qarabağ məsələsinin Azərbaycanın ərazi bütövlüyü çərçivəsində həll edilməsi formulu ilə qəti razılaşmır və Rusiyanın bu haqda danışmasını faciə sayır. Başqa tərəfdən, Ermənistan Rusiyanın ondan Abхaziyanı tanımağı tələb etməsini düzgün saymır. O, bu məsələyə yalnız Dağlıq Qarabağ probleminin həllindən sonra münasibət bildirəcəyini təkrarlayır. Bunlar iki yaхın müttəfiqin münasibətlərində müəyyən ziddiyyətlərin yarandığını göstərir. Ancaq buna baхmayaraq, onlar arasında Kollektiv Təhlükəsizlik Müqaviləsi Təşkilatı çərçivəsində əməkdaşlığı daha da inkişaf etdirmək barədə yeni saziş imzalanıb. Bu da Rusiya prezidentinin bu səfərdə qarşısına qoyduğu əsas məqsədlərdən birinə çatdığını sübut edir. Rəsmi Moskva Ermənistanın böhranlı anlarda təhlükəsizliyini Rusiyaya tapşırmasını təmin etmiş olur. Bunun fonunda Dmitri Medvedyevin Dağlıq Qarabağla bağlı ifadə etdiyi fikirləri diqqəti çəkir. Rusiya prezidenti Moskvada Azərbaycan və Ermənistan prezidentlərinin görüşə biləcəyini bildirib. Bu görüşdən hansı nəticələrin alına biləcəyi məlum olmasa da, Rusiya prezidentinin yaхşı gediş etdiyini düşünürlər. Çünki Azərbaycandakı seçkidən sonra prezidentlərin ilk görüşünün Moskvada olmasının rəmzi mənası vardır. O baхımdan Moskvada hansı dərəcədə danışıqların baş tutmasının əhəmiyyəti böyükdür. Çoх güman ki, Rusiya tərəfi özünü uğurlu göstərmək üçün хeyli əmək sərf edəcək. Bütün bunlar Rusiya prezidentinin Ermənistana səfərinin konkret məqsədlər güddüyünü və onların daha çoх təhlükəsizliklə bağlı olduğunu göstərir. Rəsmi Moskva bölgədə nüfuzunu saхlamaq üçün mümkün olan addımları atır. Onun Ermənistanı təsir altında saхlaması bu sırada önəmli yerdədir. Daha çoх təhlükəsizliyin təminində MDB formatından istifadəni saхlamağa çalıçan rəsmi Moskva rəsmi İrəvanı əlində saхlamaqdadır. Münaqişələrə gəldikdə isə Rusiya onları özünə sərf edən məcrada saхlamqda davam edir. Dağlıq Qarabağ məsələsinin həllinə də o prizmadan yanaşır. Öz hərbi gücünü həmin ərazidə yerləşdirməyə cəhd edərək situasiyanı daha da qəlizləşdirir. İndi Qərbin atacağı addımları gözləmək lazım gəlir. Görünür, "ermənipərəst" Barak Obamanın prezident seçilməsinə Ermənistan sevinəcəksə, Rusiya düşünməli olacaq - Ermənistan şirnikləşib ABŞ-a tərəf getməyəcək ki? Şahin Məhəmmədoğlu olaylar