Contact Us

SON XƏBƏRLƏR

Rusiya qazın qiymətinin düşməsindən təlaşlanır

2021.10.20, 07:36
Rusiya qazın qiymətinin düşməsindən təlaşlanır

Gunaz.tv
Rusiya qazın qiymətinin düşməsindən təlaşlanır qaz.jpg "İran, Rusiya və Qətərin "qaz hegemonluğu" xülyadır" Qətər, Rusiya və İranın təbii qaz ixracı və satışı sahəsində əməkdaşlıq etməyə razılaşıblar. Rusiyanın "Qazprom" şirkətinin rəhbəri Aleksey Miller Qətər və İranda aparılan danışıqlardan sonra bildirib ki, "Qaz OPEC"inin formalaşdırılmasına başlanılıb. İranın neft naziri Qulamhüseyn Nəzəri isə deyib: "İran, Rusiya və Qətər nümayəndələrindən ibarət xüsusi komitənin yaradılması üçün məsləhətləşmələr aparılır". Qeyd edək ki, təbii qaz ehtiyatlarına görə Rusiya dünyada birinci, İran ikinci, Qətər isə üçüncü yeri tutur. ABŞ və Avropa Birliyi isə "Qaz OPEC"inin yaradılmasına qətiyyətlə etiraz edir və "Böyük üçlüyün" dünya təbii qaz bazarlarında inhisarçılığa gətirib çıxaracağını söyləyirlər. Tural Politoloq Rauf Mirqədirov "Qaz OPEC-nin" yaradılmasını real saymasa da, sözügedən üç ölkənin Qərbi qıcıqlandıracaq addımlar atacağını bildirdi: "Son illər ərzində Rusiya dəfələrlə "Qaz OPEC-nin" yaradılması haqda bəyanatlar verib. Amma Kreml onu da bildirib ki, yaxın vaxtlarda belə bir konsern yaratmaq fikri yoxdur. Amma birdən-birə məlum oldu ki, üç dövlət qaz siyasətlərini uyğunlaşdırmağı nəzərdə tuturlar. Bu situasiyanın müəyyən neqativ tərəfləri var. Bbir çox ekspertlər dünya iqtisadi böhranının yaranmasında əsas günahkar kimi maliyyə qurumlarını deyil, OPEC-i görürlər. Məhz bu təşkilat son dövrlərdə vahid qiymət siyasəti yeritməklə neftin qiymətinin artırılmasında maraq nümayiş etdirib". Onun sözlərinə görə, bu gün Rusiya, İran və Qətəri təşvişə salan enerji qiymətlərinin sürətlə artması və sonradan bu prosesin əksinə hərəkətidir. İndi isə elə bir situasiya yaranıb ki, hər dövlət öz başının "çarəsinə" baxmağa başlayıb. Ekspertin fikrincə, neft sahəsində olduğu kimi, təbii qaz bazarında da vahid qiymət siyasətinin aparılması müəyyənləşdirilməyib. Amma dünya qaz ehtiyatlarının 60 faizinə sahib olan üç dövlət bu sahədə razılaşdırılmış siyasət yürütmək haqqında düşünməyə başlayıblar: "Bu prosesin belə sürətləndirilməsinə səbəb neftin qiymətinin aşağı düşməsilə bağlıdır. Qaza qiymətqoyma qara qızıldan fərqlənsə də, hər halda bu proses neftin qiymətinə bağlıdır". Onun sözlərinə görə, əgər bu gün müəyyən razılaşdırılmış siyasət yeridilməzsə, gələn il qazın qiymətində kəskin düşmələr də ola bilər. Bu təhlükə daha çox Rusiyanı qorxudur. Çünki bu ölkə məhz qaz vasitəsilə Avropanı şantaj edir: "Qətər və İran üçün də yaranmış situasiya ciddi problemlər açır. Hər iki ölkə regionda ən çox neft istehsal və ixrac edən ölkələrdir. Amma bu dövlətlərin əməkdaşlığının belə həddə gəlməsi qazın qiymətinə ciddi təsir göstərə bilməz. İran öz qazını Avropa bazarına çıxara bilməyib. Tehran qazının bir hissəsini Türkiyəyə ixrac edə bilir. Qazın çox az bir hissəsini isə Ermənistan istehlak edir. Yəni cənub qonşumuzun da satdığı qaz dünyadakı qiymətləri müəyyənləşdirmir və Rusiya qazıyla da rəqabət aparmır. Eyni sözləri Qətər haqda da demək olar. Ona görə də düşünmürəm ki, qazın qiymətinin müəyyənləşdirilməsində "Qaz OPEC-nin" təsiri olacaq".

SEÇİLMİŞ XƏBƏRLƏR

Çox oxunanlar