İRANIN DAXİLİ İŞLƏR NAZİRİ ABŞ QHT-sinin TEHRANDA OFİS AÇMASINA İCAZƏ VERMƏYƏCƏYİNİ BƏYAN EDİB

SON XƏBƏRLƏR

İRANIN DAXİLİ İŞLƏR NAZİRİ ABŞ QHT-sinin TEHRANDA OFİS AÇMASINA İCAZƏ VERMƏYƏCƏYİNİ BƏYAN EDİB

2021.10.20, 07:36

Gunaz.tv

İRANIN DAXİLİ İŞLƏR NAZİRİ ABŞ QHT-sinin TEHRANDA OFİS AÇMASINA İCAZƏ VERMƏYƏCƏYİNİ BƏYAN EDİB

İranın daxili işlər naziri Əli Kürdan İran-ABŞ Şurasının Tehranda ofis açmasına heç bir halda icazə verməyəcəyini bəyan edib. «Media forum» saytının məlumatına görə, Ə.Kürdan bunun səbəbini belə izah edib: «Biz ölkənin milli mənafeyini hər şeydən üstün tutduğumuza görə belə bir işə icazə verə bilmərik. Bu gün İran İslam Respublikası o qədər güclüdür ki, ABŞ hökumətinin özünə bu cür icazə verməz, o ki qalmışdı siyasi dəllal və şübhəli bir şəxs kimi tanınan Huşəng Əmirəhmədi kimi adama». İran əsilli ABŞ vətəndaşı Huşəng Əmirəhmədi İran-ABŞ Şurasının rəhbəridir. Bu şura ABŞ-da qeydiyyata alınmış qeyri-hökumət təşkilatıdır. Qurum Tehran və Vaşinqton arasındakı münasibətlərin yaxşılaşdırılması məqsədilə bir neçə ay əvvəl yaradılıb. Şuranın bir ay əvvəl yaydığı bəyanatda bildirilirdi ki, bu təşkilat İranda ofis açmaq üçün Amerika hökumətindən rəsmi icazə alıb və təşəbbüsü reallaşdırmaq məqsədilə İran rəsmiləri ilə də müzakirələr başlayıb. İran parlamentinin sədri Əli Laricani də Tehranda İran-ABŞ Şurası Ofisinin açılmasına qarşı çıxıb. Oktyabrın 21-də o, jurnalistlərə deyib ki, İranda belə bir ofisin təsis edilməsi təklifi ABŞ-ın yeni hiyləsidir: «ABŞ bununla bizə qarşı yeni bir psixi təzyiq planı hazırlayıb. Amerikalıların siyasi məsələlərdəki davranışını nəzərə alaraq onların zahirən xoşməramlı görünən təşəbbüslərinə aldanmamalıyıq». «Media forum»

GUNAZ.TV

SON XƏBƏRLƏR